پاڪستان افغانستان ۾ تازو تباهه ڪن زلزلي جي متاثرن لاءِ 105 ٽن امدادي سامان روانو ڪري ڇڏيو آهي.
اسلام آباد ۾ اين ڊي ايم اي جي ويئر هاؤس ۾ سامان روانگي جي تقريب ٿي، جنهن ۾ وفاقي وزير راندين داس ڪوهستاني، اين ڊي ايم اي ۽ پرڏيهي وزارت جا آفيسر موجود هئا.
وزيراعظم جي هدايت تي اين ڊي ايم اي طرفان 105 ٽن امدادي سامان موڪليو پيو وڃي، جنهن ۾ راشن بيگز، خيما، ڪمبل، چٽا ۽ دوائون شامل آهن، امدادي سامان 40 فٽ ڪنٽينر وارن پنج ٽرڪن وسيلي طورخم بارڊر ذريعي موڪليو پيو وڃي.
ان دوران نائب وزيراعظم ۽ پرڏيهي وزير اسحاق ڊار، افغان پرڏيهي وزير امير متقي سان ٽيليفون ذريعي ڳالهه ٻولهه ڪئي وئي، اسحاق ڊار چيو ته پاڪستان مشڪل وقت ۾ ڀائرن افغان عوام سان گڏ بيٺل آهي.
ياد رهي ته افغانستان ۾ آچر جي رات آيل زلزلي ۾ 1400 کان وڌيڪ ماڻهو فوت ۽ 3 هزار کان وڌيڪ زخمي ٿيا آهن.
What’s your Reaction?
+1
+1
+1
+1
+1
