اسلام آباد: سال 2026ع جي رپورٽ موجب ڏکڻ ايشيا ۾ پرڏيهي قرضن جي بار هيٺ آيل اٺن ملڪن ۾ ڀارت پهرين ۽ پاڪستان ٻئي نمبر تي آهي.
رپورٽ مطابق ڀارت تي مجموعي 765 ارب آمريڪي ڊالر جو پرڏيهي قرض آهي، جڏهن ته ڀارت جو هر شهري اوسط طور 535 ڊالر جو مقروض آهي.
رپورٽ ۾ ڄاڻايو ويو آهي ته پاڪستان تي ڪل 138 ارب ڊالر جو پرڏيهي قرض آهي، جڏهن ته في شهري قرض جو اوسط 530 ڊالر آهي.
پرڏيهي قرضن جي فهرست ۾ بنگلاديش ٽئين نمبر تي آهي، جنهن تي 102 ارب ڊالر جو قرض آهي، جڏهن ته في شهري قرض 590 ڊالر آهي.
سري لنڪا تي 57 ارب ڊالر جو پرڏيهي قرض آهي، جڏهن ته اتي هر شهري تي اوسط قرض 2,590 ڊالر بڻجي ٿو.
رپورٽ موجب نيپال پرڏيهي قرضن جي لحاظ کان پنجين نمبر تي آهي، جنهن تي 11 ارب ڊالر جو قرض آهي، جڏهن ته في شهري قرض 370 ڊالر آهي.
ڀوٽان تي 3.5 ارب ڊالر جو پرڏيهي قرض آهي، جڏهن ته هر شهري تي اوسط قرض 4,400 ڊالر آهي.
مالديپ جو مجموعي پرڏيهي قرض 4 ارب ڊالر آهي، جڏهن ته هر شهري تي اوسط قرض 7,500 ڊالر آهي، جيڪو خطي ۾ في شهري حساب سان سڀ کان وڌيڪ آهي.
رپورٽ موجب افغانستان تي 2.5 ارب ڊالر جو پرڏيهي قرض آهي، جڏهن ته هر افغان شهري اوسط طور 60 ڊالر جو مقروض آهي.
