گورنمينٽ گرلز هاءِ اسڪول ڪيمپس ڀيلار ۾ جشنِ عيد ميلاد النبي صلي الله عليه وسلم جي شاندار تقريب

سکر ( )گورنمينٽ گرلز هاءِ اسڪول ڪيمپس ڀيلار ۾ جشنِ عيد ميلاد النبي صلي الله عليه وسلم جي شاندار تقريب . گورنمينٽ گرلز هاءِ اسڪول ڪيمپس ڀيلار ۾ فخرِ موجودات، رحمت للعالمين حضرت محمد مصطفىٰ صلي الله عليه وسلم جي ولادتِ باسعادت جي سلسلي ۾ جشنِ عيد ميلاد النبي صلي الله عليه وسلم جي شاندار تقريب منعقد ڪئي وئي، جنهن جي صدارت ڊپٽي ڊسٽرڪٽ ايجوڪيشن آفيسر ايليمينٽري، سيڪنڊري اينڊ هائر سيڪنڊري ضلع سکر شفقت حسين ڪلوڙ ڪئي . تقريب ۾ شاگردياڻين نعتِ رسولِ مقبول صلي الله عليه وسلم جي سعادت حاصل ڪئي ۽ سيرتِ طيبه ۽ تعليماتِ نبوي صلي الله عليه وسلم جي مختلف مبارڪ پهلوئن تي تقريرون ڪيون . ان موقعي تي شفقت حسين ڪلوڙ ، محمد نواز بلو سينيئر هيڊ ماستر گورنمينٽ گرلس ھاء اسڪول ڀيلار ، مڪيش ڪمار هيڊ ماستر ڀيلار، ذوالفقار علي بلو ھاء اسڪول ٽيچر ۽ محمد ابراهيم مهر ڪوآرڊينيٽر ھينڊز پڻ خطاب ڪندي حضور اڪرم صلي الله عليه وسلم جي سيرتِ پاڪ، اخلاقِ حسنہ، امن، محبت، رواداري ۽ انسانيت جي خدمت بابت پنهنجا خيال پيش ڪيا. مقررین چيو ته نبي ڪريم صلي الله جي پاڪ زندگي سڄي انسانيت لاءِ بهترين نمونو آهي ۽ مسلمانن کي گهرجي ته سيرتِ رسول صلي الله عليه وسلم جي تعليمات کي پنهنجي عملي زندگيءَ جو حصو بڻائين. تقريب جي پڄاڻيءَ تي سمورن ٻارن، استادن ۽ شرڪت ڪندڙن ۾ کاڌو تقسيم ڪيو ويو. تقريب نهايت ئي عقيدت، احترام ۽ نظم و ضبط سان پڄاڻيءَ تي پهتي.