پريس رليزحيدرآباد: 26 مارچ 2025

ايس ايس پي حيدرآباد جو گرين سيڊز اينڊ آئل مرچنٽس ايسوسيئيشن جي آفيس جو دورو
ايس ايس پي حيدرآباد شاهزيب چاچڙ گرين سيڊز اينڊ آئل مرچنٽس ايسوسيئيشن رجسٽرڊ حيدرآباد جي آفيس جو دورو ڪيو۔ ان موقعي تي ڊي ايس پي مارڪيٽ قادر چاچڙ، ايس ايڇ او مارڪيٽ انسپيڪٽر منير احمد عباسي، ايس ايڇ او سخي پير انسپيڪٽر جاويد جلباڻي، انچارج مددگار 15 سٽي انسپيڪٽر راجا سهيل سميت ٻيا آفيسر پڻ موجود هئا۔
ايس ايس پي حيدرآباد جي آمد تي ايسوسيئيشن جي چيئرمين چوڌري محمد اسلم، صدر حاجي هارون ميمن، نائب صدر ديوي داس، جنرل سيڪريٽري جلال قريشي، انفارميشن سيڪريٽري ڊاڪٽر عبدالجبار راجپوت، محمد نعيم شيخ، خازن قادر ملڪاني ۽ ٻين واپارين ڀرپور آجيان ڪئي۔
ان موقعي تي صدر اناج منڊي حاجي هارون ميمن شهر جي امن امان، ڪاروباري سرگرمين ۽ واپارين کي درپيش مسئلن بابت تفصيلي ڳالهيون ڪيون ۽ ڪجهه اهم تجويزون پيش ڪيون۔ ايس ايس پي حيدرآباد سڀني معاملن کي غور سان ٻڌو ۽ مسئلن جي حل لاءِ فوري ۽ اثرائتا قدم کڻڻ جي يقين دهاني ڪرائي۔ ان موقعي تي واپارين حيدرآباد پوليس سان هر ممڪن سهڪار جاري رکڻ جو عزم ظاهر ڪيو۔
ايس ايس پي حيدرآباد شاهزيب چاچڙ پنهنجي خطاب ۾ چيو ته اناج منڊي حيدرآباد جي معيشت ۾ ريڙهه جي هڏي جي حيثيت رکي ٿي ۽ هتان جا واپاري قابلِ احترام آهن۔ هن چيو ته حيدرآباد پوليس جو پهريون مقصد اناج منڊي سميت سڄي شهر ۾ واپارين لاءِ بهتر امن امان قائم ڪرڻ ۽ ٽريفڪ نظام کي بهتر بڻائڻ آهي، جيئن واپاري برادري کي سازگار ۽ محفوظ ڪاروباري ماحول فراهم ڪري سگهجي۔