سنڌ اسيمبلي ۾ انجنيئرن جي ٽيڪنيڪل الائونس جو معاملو، فوري نفاذ جو مطالبو

کراچی()انجنيئرز پاڪستان جي چيئرمين انجنيئر عادل عسڪري سنڌ اسيمبلي جي فلور تي انجنيئرن جي ٽيڪنيڪل الائونس جو معاملو اٿاريندي ان جي فوري نفاذ جو مطالبو ڪيو آهي۔ هن ٻن سالن کان التوا هيٺ پيل ٽيڪنيڪل الائونس تي ڳڻتي ظاهر ڪندي چيو ته ان حوالي سان قرارداد ايوان مان متفقه طور منظور ٿي چڪي آهي، تنهن هوندي به ان تي عملدرآمد ۾ دير ناقابلِ قبول آهي۔ هن چيو ته اها صورتحال صوبي جي ترقياتي منصوبن ۾ اهم ڪردار ادا ڪندڙ انجنيئرن ۾ مايوسي پيدا ڪري رهي آهي۔ انجنيئر عادل عسڪري وڏي وزير سنڌ کان مطالبو ڪيو ته ٽيڪنيڪل الائونس جي فوري نفاذ کي يقيني بڻايو وڃي، ڇو ته هن جائز مطالبي جي منظوري سان نه رڳو انجنيئرنگ شعبي سان لاڳاپيل ماڻهن جو اعتماد بحال ٿيندو پر صوبي جي ترقياتي منصوبن جي ڪارڪردگي ۾ پڻ بهتري ايندي۔