- رپورٽ: گشت دوران صالح پٽ ٿاڻي جي پوليس کي 86 ميل ريگستان ڀرسان هڪ گم ٿيل عورت هٿ آئي، جيڪا ذهني طور پريشان هجڻ سبب پنهنجو نالو، پتو ۽ ٻين معلومات بابت ٻڌائڻ کان قاصر هئي.ايس ايس پي سکر احمد چوڌري PSP، QPM عورت جي حالت کي نظر ۾ رکندي فوري طور سندس وارثن کي ڳولڻ جا حڪم جاري ڪيا.ايس ايڇ او صالح پٽ ذوالفقار چاچڙ پنهنجي دستياب وسيلن ۽ مسلسل ڪوششن سان عورت جي وارثن جو پتو لڳائڻ ۾ ڪامياب ٿي ويو، جيڪي نوشهروفيروز ضلعي سان تعلق رکن ٿا.سکر پوليس عورت کي پاڻ نوشهروفيروز ضلعي جي محرابپور ويجهو ڳوٺ ٽنڊو ڪريم خان پهچائي، جتي کيس سندس ڀاءُ مختيار علي ميمڻ حوالي ڪيو ويو.ڀاءُ پنهنجي ڀيڻ کي محفوظ طريقي سان واپس وارثن تائين پهچائڻ تي سکر پوليس جي انساني همدردي ۽ فرض شناسي کي ساراهيندي پوليس جا ٿورا مڃيا.ايس ايس پي سکر احمد چوڌري چيو ته سکر پوليس عوام جي جان ۽ مال جي حفاظت سان گڏ انساني همدردي ۽ خدمتِ خلق جي جذبي تحت وڇڙي ويل ماڻهن کي سندن پيارن سان ملائڻ لاءِ پنهنجون ذميواريون ادا ڪندي رهندي.
What’s your Reaction?
+1
+1
+1
+1
+1
