نوشهروفيروز(ڊ ر)
ڪشمير جي ڪاري ڏينهن تي ڪشميري عوام سان يڪجهتي جو اظهار ڪرڻ لاءِ نوشهروفيروز ۾ ريلي ڪڍي وئي
ڪشمير جي ڪاري ڏينهن تي ڪشميري عوام سان يڪجهتي جو اظهار ڪرڻ لاءِ ڊپٽي ڪمشنر آفيس نوشهروفيروز کان مين روڊ نوشهروفيروز تائين ريلي ڪڍي وئي. ريلي جي اڳواڻي ايڊيشنل ڊپٽي ڪمشنر ون محمد مستقيم قريشي ڪئي. ريلي ۾ اسسٽنٽ ڪمشنر نوشهروفيروز محمد عثمان عارف، ڊپٽي ڊائريڪٽر سوشل ويلفيئر شهباز مظهر سهتو، ارباب علي اجڻ، ڊپٽي ڊائريڪٽر لائيو اسٽاڪ رائو محمد اڪرم، اطلاعات کاتي جي ڊپٽي ڊائريڪٽر عبداللطيف سولنگي، مختلف سرڪاري کاتن جي آفيسرن، ملازمن، مختلف سرڪاري تعليمي ادارن جي استادن ۽ شاگردن ۽ شهرين جي وڏي انگ شرڪت ڪئي. ان موقعي تي ايڊيشنل ڊپٽي ڪمشنر محمد مستقيم قريشي چيو ته 27 آڪٽوبر 1947 تي ڀارت ڪشمير تي غيرقانوني قبضو ڪيو، تنهن ڪري هن ڏينهن کي هر سال ڪارو ڏينهن طور ملهايو ويندو آهي. هن چيو ته پاڪستاني قوم پنهنجن ڪشميري ڀائرن سان گڏ بيٺي آهي ۽ آزادي جي جدوجهد ۾ انهن جي اخلاقي ۽ سفارتي مدد جاري رکندي. شرڪت ڪندڙن ڪشمير جي آزادي جي حق ۾ ۽ ڀارتي ظلمن جي خلاف نعرا هنيا ۽ ڪشميري عوام سان يڪجهتي جو اظهار ڪيو. ساڳئي طرح نوشهروفيروز ضلعي جي سڀني شهرن مورو، ڪنڊيارو، ڀريا ۽ محراب پور سميت ۾ لاڳاپيل تعلقن جي اسسٽنٽ ڪمشنرن جي اڳواڻي ۾ريليون ڪڍيون ويون. جنهن ۾ لاڳاپيل آفيسرن سميت شهرين ۽ تعليمي ادارن جي شاگردن ۽ استادن جي وڏي انگ شرڪت ڪئي. ريلي ۾ شرڪت ڪندڙن ڪشمير بڻجندو پاڪستان ۽ پاڪ فوج زنده آباد جا نعرا هنيا. ريلي ۾ شرڪت ڪندڙن جي هٿن ۾ پلي ڪارڊ هئا جن تي ڪشمير ۾ ڀارتي فوج جي ظلمن جي خلاف نعرا لکيل هئا
ڪشمير جي ڪاري ڏينهن تي ڪشميري عوام سان يڪجهتي جو اظهار ڪرڻ لاءِ نوشهروفيروز ۾ ريلي ڪڍي وئي
What’s your Reaction?
+1
+1
+1
+1
+1
Leave a Comment
نئون ديرو: پراڻي تڪرار تان هٿياربندن جي فائرنگ، عدالت ۾ پيشي لاءِ ويندڙ 2 نوجوان قتل
نئون ديرو: (اڱارو: 15 سيپٽمبر 2026ع) ڳڙهي خدابخش ڀٽو ٿاڻي جي حد سم شاخ وٽ پراڻي تڪرار تان هٿياربندن فائرنگ…
لاڙڪاڻي ۾ پ ٽ الف ضلعي طرفان ڪراچي ۾ سنڌ جي پرائمري استادن پاران پنهنجي جائز مطالبن جي مڃتا لاءِ نڪتل پرامن ريلي
لاڙڪاڻو(بيورو رپورٽ) لاڙڪاڻي ۾ پ ٽ الف ضلعي طرفان ڪراچي…
