ڀرياسٽي جي لعل باغ ۾ صوبائي اسيمبلي جي ميمبر سيد حسن علي شاهه پريس ڪانفرنس ڪندي چيو ته منهنجو ڪزن سيد امير علي شاهه مختلف مرحلن ۾ بنا سبب اسان خلاف پروپيگنڊا ڪري رهيو آهي

۔ اسان جي ملڪيت ۾ ڪجهه جوڳي برادري جا گهر آباد آهن، جن کي اسان خلاف استعمال ڪيو پيو وڃي ۔ جوڳين جي پوري ڪالوني خالي ڪرائڻ لاءِ اسان ڪو به قدم ناهي کنيو ۔ صرف اسان جي زمين تي قبضي وارن ماڻهن کان زمين خالي ڪرڻ لاء چيو آھي . جڏھنن ته جوڳين جو ڪيس عدالت ۾ پڻ ھلي رھيو آهي ۔ اسان پنهنجا ڪاغذ عدالت ۾ پيش ڪنداسين پوءِ عدالت جيڪو فيصلو ڏيندي اهو قبول ڪيو ويندو. سؤٽ امير علي شاهه پيپلز پارٽي جو حصو هوندي به پارٽي پاليسين جي خلاف ڪم ڪري رهيو آهي ۔ ڀريا کان پڪا چانگ روڊ جي نالي تي بنا سبب احتجاج ۽ ڌرڻي جو اعلان ڪيو ويو آهي، جنهن جي پٺيان به سيد امير شاهه جو هٿ آهي ۔ اعلانيل ڌرڻي واري روڊ جا ٻه حصا ٺاهيا پيا وڃن، اڌ حصو مڪمل ٿي چڪو آهي، باقي ڪم ايندڙ ٽن هفتن ۾ شروع ٿيندو. ڀريا اسپتال جي اپگريڊيشن منظور ٿي چڪي آهي، تنهن هوندي به بنا سبب جي پراپگينڊا ڪئي پئي وڃي ۔ ڀرياسٽي ۔ ڀرياروڊ، ٺاروشاھ ۔ لاکاروڊ ۔ محرابپور سميت پوري تڪ ۾ ڪروڙين رپين جون ترقياتي اسڪيمون جاري آهن. تڪ جي ڪيترن ئي علائقن ۾ تازو به چار، چار ڪروڙ رپين جون اسڪيمون ڏنيون ويون آهن. اسان جو سؤٽ سيد اميرعلي شاه هاڻي اسان سان گڏ ناهي، تنهنڪري ذاتي طور تي سيد مراد علي شاهه ۽ مون کي ٽارگيٽ ڪري رهيو آهي ۔ جڏھن ته اسان خلاف مختلف عدالتن ۾ ڏنل درخواستن ۾ بنا سبب سيد مراد علي شاهه جو نالو ڏنو ويو، جنهن تي معزز جج لکت ۾ اهو نالو خارج ڪري ڇڏيو ۔ ڪجھ سياسي مخالفن سان ملي سيد امير علي شاه پارٽي خلاف عملي ڪم ڪري رهيوآھي جنهن خلاف قيادت کي فيصلو ڪرڻ کپي ۔ ڪجھ عناصر اسان خلاف عوام ۾ غلط پروپيگنڊا ڪري احتجاج ڪرائڻ ۾ رڌل آھن سندن اھي حربا ھميشه جيان ناڪام ٿيندا ۔ پاڪستان پيپلز پارٽي عوامي پارٽي آھي جنھن سدائين عوام کي ھر سھولت سندن درن تائين پھچائي آھي ۔