اسلام آباد گڏيل عرب امارتن جو صدر شيخ محمد بن زايد النهيان هڪ ڏينهن جي دوري تي پاڪستان پهتو. دوري دوران هن صدر، وزيراعظم ۽ فيلڊ مارشل سان ملاقاتون ڪيون ۽ واپس روانو ٿي ويو.
يو اي اي جي صدر جو پاڪستان پهچڻ تي شاندار ۽ تاريخي آڌر ڀاءُ ڪيو ويو، پاڪستاني حدن ۾ داخل ٿيندي ئي پاڪ فضائيه جي جنگي جهازن يو اي اي جي صدر جي جهاز کي گهيري ورتو ۽ فضائي سلامي ڏني.
ان کانپوءِ نور خان ايئر بيس پهچڻ تي وزيراعظم شهباز شريف، فيلڊ مارشل عاصم منير ۽ وفاقي وزيرن معزز مهمان جي شاندار آجيان ڪئي، گڏيل عرب امارتن جي صدر کي 21 توپن جي سلامي ڏني وئي ۽ گارڊ آف آنر پڻ پيش ڪيو ويو.
يو اي اي جي صدر سان گڏ وزيرن ۽ سينيئر عملدارن تي ٻڌل اعليٰ سطحي وفد به پاڪستان آيو، دوري دوران ٻطرفن لاڳاپن، علائقائي ۽ عالمي سطح تي گڏيل دلچسپي وارن معاملن تي خيالن جي ڏي وٺ ڪئي وئي.
پرڏيهي آفيس جي ترجمان موجب، اماراتي صدر جو پاڪستان جو دورو ٻنهي ملڪن وچ ۾ ڊگهي مدي وارن ڀائراڻن ۽ تاريخي لاڳاپن جي عڪاسي ڪري ٿو، هي دورو واپار، سيڙپڪاري، توانائي، ترقي ۽ علائقائي استحڪام کي وڌيڪ هٿي ڏيندو.
ٻئي پاسي اماراتي صدر جي پاڪستان دوري کي نظر ۾ رکندي اڄ اسلام آباد ۾ موڪل جو اعلان ڪيو ويو، جڏهن ته اسلام آباد هاءِ ڪورٽ پڻ اڄ موڪل جو اعلان ڪيو هو
اماراتي صدر پاڪستان جو دورو مڪمل ڪري وطن روانو
What’s your Reaction?
+1
+1
+1
+1
+1
Leave a Comment
سکر: پنوعاقل ۾ جوابدارن پاران گهر تي حملو، عورتن ۽ ٻارن مٿان تشدد جو الزام، متاثرين جو پريس ڪلب اڳيان احتجاج
سکر (بيورو رپورٽ): پنوعاقل جي علائقي سان تعلق رکيندڙ بروھي برادري جي مردن ۽ عورتن بااثر جوابدارن پاران زيادتين، تشدد،…
گورنمينٽ گرلز هاءِ اسڪول ڪيمپس ڀيلار ۾ جشنِ عيد ميلاد النبي صلي الله عليه وسلم جي شاندار تقريب
سکر ( )گورنمينٽ گرلز هاءِ اسڪول ڪيمپس ڀيلار ۾ جشنِ…
