ڪرڪيٽ آسٽريليا فيبروري 2026 ۾ ٿيندڙ آءِ سي سي ٽي ٽوئنٽي ورلڊ ڪپ لاءِ شروعاتي اسڪواڊ جو اعلان ڪري ڇڏيو آهي۔
اسڪواڊ ۾ پيٽ ڪمنز، ڪيمرون گرين ۽ ڪوپر ڪنولي جي واپسي ٿي آهي، اهي ٽيئي رانديگر تازو ڀارت خلاف سيريز لاءِ اسڪواڊ جو حصو نه هئا۔
ڪرڪيٽ آسٽريليا جي چيف سليڪٽر جارج بيلي جو چوڻ آهي ته پيٽ ڪمنز، جوش هيزل ووڊ ۽ ٽم ڊيوڊ صحتيابي طرف وڌي رهيا آهن، ۽ هو پراعتماد آهن ته ورلڊ ڪپ لاءِ ٽيئي رانديگر دستياب هوندا۔
جارج بيلي چيو ته هي رڳو شروعاتي اسڪواڊ آهي، سپورٽ پيريڊ دوران ضرورت پوڻ تي اسڪواڊ ۾ تبديليون ڪيون وينديون۔
آسٽريليا جي ٽي ٽوئنٽي اسڪواڊ ۾ ڪپتان مچل مارش، زيويئر بارٽليٽ، ڪوپر ڪنولي، نيتھن ايلس، پيٽ ڪمنز، ٽم ڊيوڊ، ڪيمرون گرين، جوش هيزل ووڊ، ٽريوس هيڊ، جوش انگلس، ميٿيو ڪوهنيمان، گلين ميڪسويل، ميٿيو شارٽ، مارڪس اسٽوئنس ۽ ايڊم زمپا شامل آهن۔
چيف سليڪٽر جارج بيلي وڌيڪ چيو ته پاڪستان خلاف ٽن ٽي ٽوئنٽي ميچن لاءِ اسڪواڊ جو اعلان بعد ۾ ڪيو ويندو۔
واضح رهي ته ٽي ٽوئنٽي ورلڊ ڪپ 7 فيبروري کان ڀارت ۽ سري لنڪا ۾ کيڏيو ويندو۔
