بنگلا ديش ڪرڪيٽ بورڊ جي ڊائريڪٽر آصف اکبر صاف لفظن ۾ چيو آهي ته انهن جي ٽيم ٽي ٽوئنٽي ورلڊڪپ کيڏڻ لاءِ ڪنهن به صورت ڀارت نه ويندي.
بي سي بي ڊائريڪٽر آصف اکبر ڀارت بابت سخت موقف اختيار ڪندي چيو ته اسان ورلڊڪپ لاءِ ڀارت نه وينداسين.
آصف اکبر جو چوڻ آهي ته آءِ سي سي جو سری لنڪا يا بنگلاديش کي وينيوا جي طور تي چونڊڻ هڪ الڳ معاملو آهي، پر اسان فيصلو ڪيو آهي ته ڀارت نه وينداسين ڇو ته اتي اسان محفوظ نه آهيون.
ياد رهي ته آءِ پي ايل جي ٽيم ڪلڪتا نائيٽ رائيڊرز بنگلاديش جي فاسٽ بولر مستفيض الرحمان کي ڀارتي هندو انتها پسندن جي ڌمڪين بعد ليگ مان ٻاهر ڪڍي ڇڏيو هو، جنهن کانپوءِ ٻنهي ڪرڪيٽ بورڊن جي تعلقات ۾ ڪشش پيدا ٿي ۽ بنگلاديش ڪرڪيٽ بورڊ هنگامي اجلاس ڪري پنهنجي ٽيم جو ڀارت نه وڃڻ جو اعلان ڪيو.
مستفيض الرحمان کي بالي ووڊ فلم اسٽار شاهرخ خان جي ٽيم 9 ڪروڙ انڊين روپين کان وڌيڪ ۾ خريد ڪيو هو، پر مستفيض الرحمان کي ٽيم ۾ شامل ڪرڻ تي شاهرخ خان کي ڀارتي انتها پسندن غدار قرار ڏنو، جنهن تي ڪي ڪي آر ٽيم مستفيض الرحمان کي پنهنجي ٽيم مان ريليز ڪيو.
