نيشنل بئنڪ پينشنرز ڪيس ۾ عدالت جو صدر کي ذاتي حيثيت ۾ پيش ٿيڻ جو حڪم
سکر نيشنل بئنڪ پينشنرز ايڪشن ڪاميٽي سنڌ جي وائيس چيئرمين آغا بشير احمد ترين ٻڌايو ته اڄ آئيني عدالت ۾ نيشنل بئنڪ آف پاڪستان جي صدر خلاف ڪنٽيمپٽ آف ڪورٽ جي ٻڌڻي ٿي، جنهن ۾ پينشنرز به پنهنجي نمائندگي لاءِ عدالت ۾ موجود هئا۔
عدالت نيشنل بئنڪ جي صدر کي ذاتي حيثيت ۾ پيش ٿيڻ جو حڪم ڏنو ۽ ايندڙ ٻڌڻي جي تاريخ 7 اپريل 2026 مقرر ڪئي۔
سماعت دوران پينشنرز عدالت کي ٻڌايو ته 2024 ۾ ڪيس کٽڻ باوجود اڃا تائين هڪ به ڀيرو سندن پينشن ۾ مقرر ڪيل واڌ شامل نه ڪئي وئي آهي۔ عدالت ۾ موجود پينشنرز زور ڀريو ته نيشنل بئنڪ جي انتظاميا طرفان پينشنرز کي نظرانداز ڪرڻ سبب کين سخت معاشي مشڪلاتن کي منهن ڏيڻو پوي ٿو، تنهنڪري سندن پينشن جي بروقت ادائيگي يقيني بڻائي وڃي۔
آغا بشير ترين صدر نيشنل بئنڪ کان پرزور مطالبو ڪيو ته ايندڙ ٻڌڻي کان اڳ سڀني پينشنرز جون بقايائون ۽ واڌون ادا ڪيون وڃن ته جيئن هو پنهنجا جائز حق حاصل ڪري سگهن۔
هن اهو به چيو ته نيشنل بئنڪ جي انتظاميا ۽ انهن جا وڪيل مختلف حربا استعمال ڪن ٿا ته جيئن ڪيس ۾ دير ٿئي ۽ پينشنرز کي سندن حقن جي حاصل ڪرڻ ۾ رڪاوٽ پيدا ٿئي۔
نيشنل بئنڪ پينشنرز ڪيس ۾ عدالت جو صدر کي ذاتي حيثيت ۾ پيش ٿيڻ جو حڪم
What’s your Reaction?
+1
1
+1
1
+1
+1
+1
Leave a Comment
وزيراعظم شهباز شريف جي ترڪ ڪمپنين کي پاڪستان ۾ وڌيڪ سيڙپڪاري جي دعوت
استنبول: وزيراعظم شهباز شريف ترڪي جي دوري دوران ترڪ سيڙپڪارن ۽ ڪاروباري اڳواڻن سان اهم ملاقاتون ڪيون، جن ۾ پاڪستان…
ڀارت جي ڪوڙي پروپيگنڊا کي سخت ڌڪ، فاروق آباد ۾ سک برادري جي ڌرم شالا جي ڪريل ڀت ٻيهر تعمير ڪرڻ جو اعلان
فاروق آباد (شيخوپوره): پاڪستان خلاف ڀارت پاران هلائي ويندڙ ڪوڙي…
