هن موقعي تي ايس ايس پي حيدرآباد شاهزيب چاچڙ طرفان ايس ايس پي آفيس حيدرآباد ۾ سندن اعزاز ۾ هڪ پروقار الوداعي تقريب منعقد ڪئي وئي۔
تقريب ۾ ڊي ايس پي ليگل الياس قريشي، آفيس سپرنٽنڊنٽ منير ڪلهوڙو سميت ايس ايس پي آفيس جي سڀني برانچ انچارجن، آفيسرن ۽ ٻين پوليس اهلڪارن شرڪت ڪئي ۽ محمد بخش خاصخيلي جي خدمتن کي خراج تحسين پيش ڪيو۔
رٽائرڊ ايس پي محمد بخش خاصخيلي پنهنجي 39 سالن جي پيشه ورانه زندگي ۾ انتهائي ايمانداري، محنت ۽ فرض شناسي سان پنهنجا فرض انجام ڏنا۔ هن 1987 ۾ بطور اي ايس آءِ سنڌ پوليس ۾ شموليت اختيار ڪئي ۽ پنهنجي ملازمت دوران صوبي ڀر ۾ اهم ذميواريون نڀايون۔
ايس ايس پي حيدرآباد شاهزيب چاچڙ محمد بخش خاصخيلي جي خدمتن کي ساراهيندي چيو ته سندن پيشه ورانه صلاحيتون ۽ محڪمي لاءِ خدمتون هميشه ياد رکيون وينديون۔
تقريب جي پڄاڻي تي رٽائر ٿيندڙ آفيسر کي يادگاري شيلڊ پيش ڪئي وئي ۽ سندن لاءِ نيڪ تمنائن جو اظهار ڪيو ويو۔
ترجمان ضلعي پوليس حيدرآباد
