بلوچستان ۾ مزدورن جي گاڏي تي تفتان واري علائقي ۾ هٿياربندن جي حملي ۾ گهوٽڪي واسي نوجوان وڪرم لال سميت 2 ڄڻا مارجي ويا جڏهن ته ڪيترائي زخمي ٿي پيا آهن. انهي حوالي سان ٻڌايو پيو وڃي ته گهوٽڪي جو رهواسي نوجوان وڪرم لال مزدوري سانگي بلوچستان ويل هو جتي هو ٻين مزدورن سان گڏجي مزدوري لاءِ گاڏي ۾ سوار ٿي تفتان وڃي رهيو هئو ته اوچتو اڻڄاتل هٿياربندن سندن گاڏي مٿان هٿيارن جا منهن کولي ڇڏيا، جنهن جي نتيجي ۾ مزدور وڪرم لال سميت 2 ڄڻا مارجي ويا جڏهن ته ڪيترائي زخمي ٿي پيا. زخمين کي فوري طور تي مقامي اسپتال منتقل ڪيو ويو. هٿياربندن جي حملي ۾ مارجي ويلن جا لاش اسپتال مان ضروري ڪارروائي بعد سندن اباڻي ڳوٺن ڏانهن آندا پيا وڃن، جتي علائقي ۾ سوڳ جي لهر پکڙجي وئي آهي.
What’s your Reaction?
+1
+1
+1
+1
+1
