ميهڙ: سڱ نه ڏيڻ تان جوابدار جو گهر تي حملو، ننڊ ستل نوجوان ناري قتل، امڙ زخمي، جوابدار پاڻ به آپگهات ڪري ڇڏيو

ميھڙ ڀرسان فريدآباد ٿاڻي جي حد ڳوٺ فيض محمد ڪولاچي ۾ سڱ نه ڏيڻ تان جوابدار شھمير ڪولاچي گھر تي حملو ڪري ننڊ ستل نوجوان ناري ريما ڌيءَ خدا بخش ڪولاچي کي قتل ڪري سندس امڙ مسمات سيما زال خدا بخش ڪولاچي کي مرڻينگ ڪرڻ بعد پاڻ مٿان بہ پسٽل جا فائر ڪري آپگهات ڪري ڇڏيو. زخمي عورت کي ميھڙ اسپتال بعد لاڙڪاڻو اسپتال منتقل ڪيو ويو جڏھن ته مقتول ناري ۽ جوابدار جو لاش تعلقه اسپتال ميھڙ آندو ويو آھي مقتول ناري جي والد خدا بخش ڪولاچي ٻڌايو ته جوابدار شھمير پٽ حمير ڪولاچي مونکان پنھنجي نياڻي جو سڱ گھريو ھيو منھنجي نياڻي منھنجي پنھنجي ڀائٽي جي نالي ٿيل ھئي جنھن جو اڄ ونواہه ھيو ۽ ڪجھ ڏينھن ۾ ان جي شادي رٿيل ھئي جنھن تان جوابدار مڇرجي گھر تي حملو ڪيو ۽ فائرنگ ڪري منھنجي ڌي کي قتل ڪيو ۽ گھر واري کي مرڻينگ ڪرڻ بعد پاڻ مٿان به فائر ڪري خودڪشي ڪئي آھي اسان سان ظلم ٿيو آھي خدارا انصاف ڪيو وڃي ھوڏانھن فريدآباد پوليس موجب تہ واقعي جو اطلاع ملندي ئي جاء واردات تي پهتاسين ته مقتولا ناري ۽ نوجوان جو لاش واقعي واري ھنڌ پيل ھئا جن کي اسپتال منتقل ڪيو آھي جڏھن ته فائرنگ ۾ زخمي ٿيل عورت کي لاڙڪاڻو اسپتال منتقل ڪيو آھي پوليس موجب تہ واقعي بعد مقتولا ناري جي وارثن ٻڌايو ته جوابدار شھمير رشتو گھريو ھو نه ڏيڻ تان حملو ڪري ناري کي قتل ڪري ان جي امڙ کي مرڻينگ ڪري پاڻ کي به ماري ڇڏيو آھي واقعي جي وڌيڪ جانچ ڪري رھيا آھيون.