تل ابيب: اسرائيل آمريڪا کان جديد جنگي جهازن جي خريداري لاءِ هڪ اهم فيصلو ڪيو آهي، جنهن تحت F-35 ۽ F-15IA طرز جا وڌيڪ فائٽر جيٽس حاصل ڪيا ويندا۔
رپورٽن موجب اسرائيل آمريڪي ڪمپنين لاڪ هيڊ مارٽن ۽ بوئنگ کان ٻن نون اسڪواڊرن جي خريداري جي حتمي منظوري ڏئي ڇڏي آهي۔ اسرائيلي وزارت دفاع مطابق هن معاهدي جي منظوري وزارتي ڪميٽي براءِ خريداري ڏني آهي، جيڪا فوجي طاقت وڌائڻ لاءِ هڪ وڏي منصوبي جو حصو آهي۔
بيان موجب هي قدم 350 ارب شيڪل (تقريباً 119 ارب ڊالر) جي وسيع دفاعي پروگرام جو شروعاتي مرحلو آهي، جنهن جو مقصد اسرائيلي فوج کي وڌيڪ جديد ۽ طاقتور بڻائڻ آهي۔
اسرائيلي وزيراعظم بنيامين نيتن ياهو چيو آهي ته وڌايل دفاعي بجيٽ جو وڏو حصو ملڪ اندر اسلحي جي تياري تي خرچ ڪيو ويندو، جيئن پرڏيهي انحصار کي گهٽائي سگهجي۔ هن اهو به چيو ته اسرائيل مستقبل ۾ پاڻ به جديد جنگي جهاز ٺاهڻ جي صلاحيت وڌائڻ تي ڌيان ڏئي رهيو آهي۔
ماهرن جو چوڻ آهي ته هن فيصلي سان خطي ۾ فوجي توازن تي اثر پئجي سگهي ٿو، جڏهن ته اسرائيل پنهنجي دفاعي صلاحيتن کي وڌيڪ مضبوط ڪرڻ جي ڪوشش ڪري رهيو آهي۔
