اسلام آباد: (آچر: 29 مارچ 2026ع) 71 سالن جو پراڻو رشتو 6 سالن کان پوءِ پرجوش انداز ۾ ٻيهر بحال ٿي ويو، جڏهن ته وچ اوڀر جنگ فضائي آپريشن کي درهم برهم ڪري ڇڏيو هو جنهن کان پوءِ پي آءِ اي ٽٽل رشتو ٻيهر بحال ڪري ڇڏيو.
رپورٽ موجب 6 سالن کان پوءِ پي آءِ اي لنڊن جو فضائي آپريشن بحال ٿي ويو، پي آءِ اي جي پهرين اڏام پي ڪي 785 جي پهرين اڏام 325 مسافرن سان اسلام آباد کان لنڊن ڏانهن رواني ٿي، پي آءِ اي جي اڏام کي دفاع واري سيڪريٽري ليفٽيننٽ جنرل(ر) محمد علي ۽ برطانوي هاءِ ڪمشنر جين ميريٽ الوداع ڪيو.
افتتاحي اڏام جي تقريب ۾ ڪيڪ به ڪٽيو ويو ۽ قرعه اندازي جي ذريعي هڪ 660 سي سي گاڏي به هڪ خوشنصيب مسافر جي نالي ڪڍي وئي جڏهن ته ٻين مسافرن کي به تحفا پيش ڪيا ويا.
اسلام آباد ايئرپورٽ تي اڏام جي روانگي کان اڳ هڪ سادي پر پروقار تقريب منعقد ڪئي وئي جنهن ۾ پي آءِ اي جي ڪنسورشيئم جي چيئرمين عارف حبيب ۽ هوابازي جي اعليٰ اختيارين شرڪت ڪئي. تقريب کي خطاب ڪندي سيڪريٽري ڊفينس چيو ته اها اڏام ٻنهي ملڪن ۽ ماڻهن جي وچ ۾ لاڳاپن کي وڌيڪ مستحڪم ڪندي.
برطانوي هاءِ ڪمشنر جين ميريٽ پي آءِ اي کي لنڊن آپريشن تي مبارڪباد ڏني، پي آءِ اي برطانيه ۾ ترسيل 16 لک کان وڌيڪ پاڪستان کي سڌو سنئون سفري سهولتن جي فراهمي لاءِ پرعزم آهي.
تقريب جي خاص مهمانن کي پي آءِ اي جي چيف ايگزيڪيوٽو آفيسر طرفان يادگاري شيلڊز پيش ڪئي وئي، پي آءِ اي 30 مارچ کان لاهور کان لنڊن جي لاءِ به هفتيوار اڏام جي شروعات ڪري رهي آهي. پي آءِ اي پاڪستان ۽ لنڊن جي وچ ۾ شروعاتي طور تي 4 هفتيتوار اڏامون هلائيندي جنهن ۾ 3 اسلام آباد لاءِ ۽ 1 لاهور لاءِ آپريٽ ٿيندي. لنڊن پي آءِ اي جي پهرين عالمي منزل هئي ۽ پي آءِ اي جو انهي روٽ سان 71 سالن جو پراڻو رشتو آهي.
