یومِ عرفہ مغفرت، قبولیتِ دعا اور امتِ مسلمہ کے اتحاد کا عظیم دن ہے انوار علی جعفری

سکھر()گل باٹلرز لمیٹڈ پاکولا سکھر کے ریزیڈنٹ ڈائریکٹر انوار علی جعفری نے کہا ہے کہ یومِ عرفہ اسلام کا نہایت مقدس اور بابرکت دن ہے جس کی فضیلت قرآن و حدیث میں واضح طور پر بیان کی گئی ہےانہوں نے اپنے بیان میں کہا کہ یہ دن اللہ تعالیٰ کی رحمت، مغفرت اور دعاؤں کی قبولیت کا خاص موقع ہے جبکہ حجاجِ کرام میدانِ عرفات میں حج کا اہم رکن ادا کرتے ہیں انہوں نے کہا کہ احادیثِ مبارکہ کے مطابق یومِ عرفہ کا روزہ گزشتہ اور آنے والے ایک سال کے گناہوں کی معافی کا سبب بنتا ہےاس لیے مسلمانوں کو چاہیے کہ اس دن روزہ، ذکرِ الٰہی، استغفار اور خصوصی دعاؤں کا اہتمام کریں۔ انوار علی جعفری نے مزید کہا کہ یومِ عرفہ ہمیں اتحاد، بھائی چارے اور مساوات کا درس دیتا ہے جہاں دنیا بھر کے مسلمان ایک ہی جذبے کے ساتھ اللہ تعالیٰ کے حضور جھکتے ہیں۔انہوں نے ملکِ پاکستان کی سلامتی، خوشحالی، پاک فوج کی کامیابی اور فلسطین و کشمیر سمیت دنیا بھر کے مظلوم مسلمانوں کے لیے خصوصی دعاؤں کی اپیل بھی کی۔