نوشهروفيروز ۾ نافرمان پٽ جي تشدد کان تنگ پيرسن ماءُ پيءُ جي دانهه، گرفتاري جو مطالبو

نوشهروفيروز ويجهو ڳوٺ ٽنڊڻ پنهور ۾ ڀاءُ ۽ ڀيڻ کي ماريندڙ وحشي جوابدار ماءُ پيءُ لاءِ آزار بڻجي ويو، پيرسن عورت غلام صغرا پنهور پنهنجي مڙس غلام شبير پنهور سان گڏ نافرمان پٽ ذوالفقار پنهور جي تشدد کان تنگ ٿي پريس ڪلب پهتا جتي ميڊيا اڳيان دانهيندي پيرسن جوڙي چيو ته ظالم پٽ ذوالفقار پنهور اسان تي روز بنياد تي تشدد ڪري ٿو سندس ظلم ايترو ته وڌي ويو آهي جو جيئڻ ئي جنجال ڪري ڇڏيو اٿس مٿي جا وار ۽ ڏند ان بي رحم پٽ ڀڃين ڇڏيا آهن هنن انڪشاف ڪيو ته ذوالفقار پنهور اسان ڌيءَ پنهنجي ڀيڻ پروين کي گهر اندر گهٽا ڏئي قتل ڪيو ۽ پنهنجي ڀاءُ حفيظ کي ڪراچيءَ ۾ ماري ان جي گهرواري سان ناجائز تعلقات رکيا آهن ٽي شاديون ڪرايوسين ان ظالم جون ٻه پنهنجي ذات مان ۽ ھڪ چانڊين مان ٽنهي کي طلاقون ٿي ويو هاڻي وري شادي ڪرائڻ لاءِ زور ڀري ٿو هنن وڌيڪ چيو ته شادي نه ڪرائڻ ۽ موٽر سائيڪل نه وٺي ڏيڻ تي مارڪٽ ڪري ٿو ايس ايس پي نوشھروفيروز ٽي گاڏيون پوليس جون ڏنيون پر پوليس ڪهاري پٽ کي گرفتار ڪري ناهي سگهي جيڪو هاڻي اسان جي زندگين لاءِ عذاب بڻجي ويو آهي هنن سيشن جج ،ايس ايس پي نوشھروفيروز سميت ٻين وس وارن کان مطالبو ڪيو ته نافرمان پٽ ذوالفقار پنهور کي گرفتار ڪري اسان جي جان آجي ڪئي وڃي