بدين فردوس ڪالوني کوسڪي روڊ جي رهواسي حسن علي ڀٽي نيشنل پريس ڪلب بدين ۾ پريس ڪانفرنس ڪندي صحافين کي ٻڌايو ته سندن علائقي ۾ چورين جون وارداتون وڌي ويون آهن جنهن سبب رهواسي سخت پريشاني جو شڪار آهن جڏهن ته پوليس شڪايتن باوجود ڪا به اثرائتي ڪارروائي نه ڪري رهي آهي
هن ٻڌايو ته 2 ڏينھن اڳ سندس گهر مان سولر پليٽون پاڻي جي موٽر، بيٽري، سون جا جهمڪا ۽ هڪ ٽچ موبائيل فون چوري ٿي ويا آهن هن وڌيڪ چيو ته هن سٽي ٿاڻي بدين تي اين سي داخل ڪرائي ۽ چورن جي نشاندهي به ڪئي پر ان باوجود پوليس طرفان ڪا به عملي قدم نه کنيو ويو
حسن علي ڀٽي چيو ته صرف سندس گهر نه پر سڄو پاڙو چورن جي وڌندڙ وارداتن سبب خوف ۽ پريشاني ۾ مبتلا آهي علائقي جي معزز شهرين مختيار شاه، دلدار شاه، نجف شاه ۽ فدا ڀٽي جي گهرن مان پڻ ان رات چوريون ٿيون آهن
هن وڌيڪ چيو ته چور سرعام شهر جي اهم روڊن تي گهمي رهيا آهن ۽ پوليس انھن کي گرفتار نه پئي ڪري.
پريس ڪانفرنس دوران هن ايس ايس پي بدين ۽ ٻين اعليٰ اختيارين کان پرزور مطالبو ڪيو ته فوري طور چورن خلاف ڪارروائي ڪري کين گرفتار ڪيو وڃي چوري ٿيل سامان واپس ڪرايو وڃي ۽ علائقي واسين کي وڌيڪ نقصان کان تحفظ فراهم ڪيو وڃي..!!
