حيدرآباد: ايس ايس پي حيدرآباد شاهزيب چاچڙ گٽڪي ۽ مين پوري جي وڪري بابت وائرل ٿيندڙ وڊيوز جو فوري نوٽيس وٺندي ملوث جوابدارن جي گرفتاري جا حڪم جاري ڪيا.
حيدرآباد پوليس فوري ڪارروائي ڪندي وڊيوز ۾ نشاندهي ڪيل هنڌن تي ڇاپا هڻي 3 جوابدارن کي گرفتار ڪري ورتو.
پوليس موجب ٿاڻي ڦليلي جي حدن ۾ لوهه مارڪيٽ ڀرسان ڪارروائي دوران پريم ولد نارو خان ۽ سهيل ڪچي کي گرفتار ڪري سندن قبضي مان 250 مين پوريون هٿ ڪيون ويون. جوابدارن خلاف ڪرائيم نمبر 152/2026، گٽڪا ۽ مين پوري ايڪٽ جي قلم 8 تحت ڪيس داخل ڪيو ويو.
اهڙيءَ طرح ٿاڻي بي سيڪشن جي حدن ۾ محمدي اسپتال، لطيف آباد يونٽ نمبر 5 ڀرسان ڪارروائي دوران جوابدار امان الله انڍڙ کي گرفتار ڪري سندس قبضي مان 100 مين پوريون هٿ ڪيون ويون. جوابدار خلاف ڪرائيم نمبر 197/2026، گٽڪا ۽ مين پوري ايڪٽ جي قلم 8 تحت ڪيس داخل ڪيو ويو.
حيدرآباد پوليس موجب ڏوهاري عنصرن، منشيات فروشن ۽ گٽڪي ۽ مين پوري جي سپلاءِ ڪندڙن خلاف ڪاررواين جو سلسلو جاري آهي.
