ڄامشورو: ايس ايس پي ڄامشورو محمد ظفر صديق ڇانگا جي خاص هدايتن تحت ڏوهاري عنصرن خلاف ڪاررواين جو سلسلو جاري آهي.
ڊي ايس پي ڪوٽڙي شاهنواز جوکيو جي نگراني ۽ ايس ايڇ او ڪوٽڙي انسپيڪٽر غلام اصغر تنيو جي سربراهي ۾ ڪوٽڙي پوليس ڪارروائي ڪندي مضر صحت شين سان ڀريل ڪرولا ڪار هٿ ڪري 2 جوابدارن کي گرفتار ڪري ورتو.
پوليس موجب گرفتار جوابدارن جي سڃاڻپ محمد آصف بروهي، رهواسي ڪوئٽا، ۽ اڪرم شاهه، رهواسي ڪوئٽا طور ٿي آهي.
جوابدارن جي قبضي مان 12 ڪٽا سپاري ۽ 13 ڪٽا چورو، مجموعي طور 25 ڪٽا هٿ ڪيا ويا. پوليس گاڏي ۽ هٿ آيل سامان پنهنجي تحويل ۾ وٺي ٻنهي جوابدارن خلاف لاڳاپيل قلمن تحت ڪيس داخل ڪري ڇڏيو، جڏهن ته وڌيڪ جاچ جاري آهي.
ڪوٽڙي پوليس موجب ڏوهاري ۽ منشيات فروشي ۾ ملوث عنصرن خلاف بنا فرق جي ڪارروايون جاري رهنديون.
What’s your Reaction?
+1
+1
+1
+1
+1
