الخدمت فائونڊيشن پاران ڊينگي، مليريا ۽ ٻين موسمي بيمارين جي روڪٿام لاءِ شهر ڀر ۾ فيوميگيشن ۽ اسپري مهم جو سلسلو جاري آهي. گذريل ڏينهن جماعت اسلامي جا رضاڪار، بلگيٽ ڪميٽي ڪلفٽن جو صدر ۽ ڪينٽونمينٽ بورڊ ڪلفٽن ڪائونسلر اميدوار اسلام بٽ ٻين عملي سان گڏ الخدمت فيوميگيشن اسپري مهم تحت پنجاب ڪالوني وارڊ 8 سميت مختلف علائقن ۾ فيوميگيشن ۽ اسپري جو عمل انجام ڏنو.
ان حوالي سان جماعت اسلامي جي اڳواڻن چيو ته هن مهم جو مقصد مڇرن جي افزائش تي ضابطو آڻڻ ۽ شهرين کي مختلف وبائي ۽ موسمي بيمارين کان محفوظ رکڻ آهي. الخدمت فائونڊيشن جا رضاڪار ۽ لاڳاپيل ٽيمون مختلف رهائشي علائقن، گهٽين، تعليمي ادارن ۽ عوامي هنڌن تي فيوميگيشن ۽ اسپري جو عمل جاري رکيون پيون وڃن.
انهن چيو ته عوامي صحت جي تحفظ لاءِ هي مهم مسلسل جاري رهندي ته جيئن ڊينگي، مليريا ۽ ٻين بيمارين جي ڦهلاءَ کي مؤثر نموني روڪي سگهجي. انهن شهرين کي اپيل ڪئي ته هو پنهنجا گهر ۽ آسپاس صاف سٿرا رکن، بيٺل پاڻي گڏ ٿيڻ نه ڏين ۽ احتياطي تدبيرون اختيار ڪن ته جيئن بيمارين کان بچاءُ ممڪن ٿي سگهي.
