ضلعي جي ڪاليجن طرفان نيب جي سهڪار سان ڪرپشن خلاف ڏھاڙو شاندار نموني سان ملهايو ويو

نوشهرو فيروز(رپورٽ عادل خان) ضلعي جي ڪاليجن طرفان نيب جي سهڪار سان ڪرپشن خلاف ڏھاڙو شاندار نموني سان ملهايو ويو.ان سلسلي ۾ ڪرپشن ۽ جرائم جي ڳٺ جوڙ جي سري هيٺ هڪ شاندار تقريب گورنمينٽ بوائز ڪاليج نوشهرو فيروز ۾ منعقد ٿي.تقريب جي صدارت پڊعيدن ڪاليج جي پرنسپال ۽ ضلع نوشهرو فيروز جي فوڪل پرسن پروفيسر بخش علي چانڊيو ڪئي, جڏھن ته مختلف ڪاليجن جا پرنسپال, پروفيسر عطا محمد سولنگي, پروفيسر عبدالغفار ڪيريو, پروفيسر اختيار علي سهتو, پروفيسر فهميدا عمراڻي ۽ ڪاليجن جي پروفيسرن, پروفيسر بشيراحمد ٻوهيو, پروفيسر منور علي کوکر, پروفيسر اصغر ڀٽي ڀريائي, پروفيسر ڊاڪٽرذوالفقار جلباڻي, پروفيسر رياض احمد چانڊيو, پروفيسر محمد يوسف شيخ, ۽ پروفسر جاويد جوکيو ۽ ٻين شرڪت ڪئي. ھن پروگرام ۾ مختلف ڪاليجن جا سينيئر پروفيسر اڻ ڌريا جج مقرر ڪيا ويا.ججن جي فيصلي موجب سنڌي تقريرن ۾ پهريون نمبر گرلز ڪاليج مورو جي شاگردياڻي ڪومل سولنگي, اردو ۾ پهريون نمبر گورنمينٽ مهراڻ ڪاليج مورو جي شاگرد ضامن علي عمراڻي, جڏھن ته انگريزي تقرير ۾ به گورنمينٽ مهراڻ ڪاليج مورو جي نوشاد علي لغاري پهريون نمبر حاصل ڪيو.مضمون نويسيء جي مقابلن ۾سنڌيء ۾ گورنمينٽ بوائز ڪاليج محرابپور جي شاگرد صفدر علي راڄپر,اردوء۾گورنمينٽ ڊگري ڪاليج نوشهرو فيروز جي اڪرم علي راڄپر, ۽ انگريزيء ۾ گورنمينٽ گرلز ڊگري ڪاليج ڀرياروڊ جي دعا سندس عمراڻي پهرين پوزيشن حاصل ڪئي.هن پروگرام ۾ پوسٽر ڊزائين جو به مقابلو ٿيو, جنهن ۾  گورنمينٽ گرلز ڪاليج ڀرياروڊ جي رمشا بتول پهرين پوزيشن ماڻي ڊويزن سطح جي مقابلن لاء ڪواليفاء ڪري ورتو.پروگرام جي آخر ۾ پهريون, ٻيون ۽ ٽيون نمبر قرار ڏنل شاگردن ۽ شاگردياڻين کي خاص سرٽيفڪيٽ, جڏھن ته سڀني شريڪ ٿيندڙ شاگردن ۽ شاگردياڻين کي پڻ سرٽيفڪيٽ ڏنا ويا.صدارتي تقرير ڪندي فوڪل پرسن پروفيسر بخش علي چانڊيو چيو ته نوشهرو فيروز ضلع جي تاريخ ۾ اڄوڪو پروگرام بهترين پروگرام رهيو, جنهن ۾ شريڪ سڀني شاگردن ۽ شاگردياڻين وڏي محنت ڪري اهو ثابت ڪيو آهي ته ساهتي پرڳڻي ۾ وڏو ٽئلينٽ موجود آهي, فقط ان ٽئلينٽ کي ظاهر ڪرڻ جي ضرورت آھي.هن وڌيڪ چيو ته اڄ اچو ته سڀئي گڏجي اهو عهد ڪريون ته ڪنهن به قسم جي ڪرپشن برداشت نه ڪنداسين ۽ ان خلاف گڏجي جدوجهد ڪنداسين.اهڙيء طرح سان تاڙين جي گونج ۾ پروگرام جي ڪمپيئر پروفيسر بشير احمد ٻوهيو پروگرام جي پڄاڻيء جو اعلان ڪيو.