شهرين لاءِ خوشخبري، نادرا شام جي شفٽ به شروع ڪري ڇڏي

ڪراچي نيشنل ڊيٽابيس اينڊ رجسٽريشن اٿارٽي (نادرا) ڪراچي جي شهرين جي سهولت لاءِ خدمتن جي فراهمي ۾ واڌ جو فيصلو ڪيو آهي.
نادرا انتظاميا ڪراچي جي شهرين جي ڀرپور سهولت لاءِ شاهراهه قائدين ۽ ملير ۾ شام جي شفٽ به شروع ڪرڻ جو اعلان ڪيو آهي.
نادرا رجسٽريشن سينٽر شاهراهه قائدين ۾ 22 ڊسمبر 2025 سومر کان شام جي شفٽ جي به باقاعدي شروعات ٿي رهي آهي.
نادرا رجسٽريشن سينٽر ۾ صبح 8 کان منجهند 3 وڳي تائين شهرين کي خدمتن جي فراهمي بنا وقفي جاري رهندي، جڏهن ته ٻي شفٽ ۾ منجهند 3 وڳي کان رات 10 وڳي تائين شهرين کي خدمتون جاري رهنديون.
ان کانسواءِ نادرا رجسٽريشن سينٽر ملير به سومر 22 ڊسمبر کان شام جي شفٽ جي شروعات ٿي رهي آهي.