گوادر ۾ مسافر ڪوچ حادثي جو شڪار ٿي وئي، جنهن جي نتيجي ۾ 9 ڄڻا فوت ٿي ويا.
پوليس موجب حادثو گوادر ۾ هڊ گوٺ واري هنڌ پيش آيو، جتي تيز رفتار مسافر ڪوچ بي قابو ٿي الٽي پئي، جنهن سبب گاڏي ۾ سوار 9 ڄڻا فوت ۽ 15 ڄڻا زخمي ٿي پيا.
پوليس جو چوڻ آهي ته حادثي جي اطلاع ملندي ئي ريسڪيو ٽيمون واقعي واري هنڌ پهچي امدادي ڪارروايون شروع ڪيون ۽ زخمين کي اسپتال منتقل ڪيو ويو.
پوليس موجب مسافر ڪوچ ڪراچي کان جيوني وڃي رهي هئي، جڏهن ته حادثي بابت وڌيڪ جاچ شروع ڪئي وئي آهي.
What’s your Reaction?
+1
+1
+1
+1
+1
