اسلام آباد: وزيراعظم شهباز شريف آمريڪي صدر ڊونلڊ ٽرمپ جي ان فيصلي تي ٿورا مڃيا آهن، جنهن تحت آبنائے هرمز مان جهازن جي گذر کي آسان بڻائڻ واري آمريڪي منصوبي “پروجیکٹ فريڊم” کي عارضي طور روڪيو ويو آهي۔
سوشل ميڊيا تي جاري ڪيل پنهنجي بيان ۾ وزيراعظم چيو ته صدر ٽرمپ بروقت ۽ جرأت مندانہ قيادت جو مظاهرو ڪندي هن منصوبي کي روڪڻ جو اعلان ڪيو، جنهن تي هو سندن شڪرگذار آهن۔
هن وڌيڪ چيو ته آمريڪي صدر طرفان پاڪستان ۽ ٻين دوست ملڪن، خاص طور سعودي عرب ۽ ولي عهد شهزادو محمد بن سلمان جي درخواست تي مثبت ردعمل ڏيکارڻ، موجوده نازڪ حالتن ۾ علائقي ۾ امن، استحڪام ۽ مفاهمت کي هٿي ڏيڻ ۾ اهم ڪردار ادا ڪندو۔
وزيراعظم زور ڏنو ته اهڙا قدم تڪرارن کي گهٽائڻ ۽ سفارتي حل کي اڳتي وڌائڻ لاءِ انتهائي ضروري آهن، ۽ پاڪستان هميشه خطي ۾ امن ۽ ڳالهين ذريعي مسئلن جي حل جو حامي رهيو آهي۔
هن اميد ظاهر ڪئي ته عالمي قوتن جا اهڙا ذميواراڻا فيصلا مستقبل ۾ به جاري رهندا، جنهن سان خطي ۾ ڇڪتاڻ گهٽ ٿيندي ۽ مستقل امن قائم ٿيڻ جا امڪان وڌندا۔
