ريئلٽي شو ايم ٽي وي اسپلٽس ولا مان شهرت ماڻيندڙ بالي ووڊ اداڪاره خوشي مکھرجي ڀارت جي ٽي ٽوئنٽي ڪرڪيٽ ٽيم جي ڪپتان سوريا ڪمار يادَو بابت هڪ هلچل مچائيندڙ دعويٰ ڪئي آهي۔
هڪ تازي تقريب دوران خوشي مکھرجي ٻڌايو ته ماضي ۾ سوريا ڪمار يادَو کيس اڪثر ميسيج موڪليندو هو، پر هاڻي ٻنهي جي وچ ۾ گهڻي ڳالهه ٻولهه ناهي رهي۔
خوشي مکھرجي چيو ته، “مان ڪنهن به ڪرڪيٽر سان ڊيٽ نٿي ڪرڻ چاهيان، ڪيترائي ڪرڪيٽر منهنجي پويان آهن، انهن ۾ سوريا ڪمار يادَو به شامل آهي، هو مون کي تمام گهڻا ميسيج موڪليندو هو، پر هاڻي اسان گهڻو ڳالهائيندا ناهيون۔”
تنهن هوندي به، انهن دعوائن تي هن وقت تائين سوريا ڪمار يادَو جي طرفان ڪو به ردعمل سامهون ناهي آيو۔
واضح رهي ته ڪپتان سوريا ڪمار يادَو جي شادي 2016ع ۾ ديويشا شيٽي سان ٿي هئي، ۽ ٻئي خوشگوار زندگي گذاري رهيا آهن۔
What’s your Reaction?
+1
+1
+1
+1
+1
