راولپنڊي: اڳوڻي گهرو وزير شيخ رشيد چيو آهي ته حڪومت رڳو گاڏين وارن کي سهولتون نه ڏئي، ريڙهي وارن کي به جيئڻ جو حق ڏنو وڃي.
راولپنڊي جي دهشتگردي ٽرائل عدالت ۾ 9 مئي جي جي ايڇ ڪيو حملي واري ڪيس جي ٻڌڻي ٿي، جتي شيخ رشيد پنهنجي وڪيلن سان گڏ پيش ٿيو.
عدالت کان ٻاهر ميڊيا سان ڳالهائيندي شيخ رشيد چيو ته ريڙهي وارن ۽ ڇابڙي وارن سان زيادتي ٿي رهي آهي، پيرا وارا ۽ ٻيا ماڻهو سندن سمورو سامان اڇلائي ڇڏين ٿا، جڏهن ته اهو ئي سندن گهر جي روزي روٽي آهي.
اڳوڻي وزير جو چوڻ هو ته مان رڳو اپيل ڪري سگهان ٿو ته ريڙهي وارن ۽ ڇابڙي وارن تي رحم ڪيو وڃي، حڪومت صرف گاڏين وارن کي سهولتون نه ڏئي، ريڙهي وارن کي به جيئڻ جو حق ڏنو وڃي.
شيخ رشيد وڌيڪ چيو ته ڪوشش ڪئي وڃي ته هن ملڪ مان بيروزگاري ۽ مهانگائي جو خاتمو ٿئي.
What’s your Reaction?
+1
+1
+1
+1
+1
