موسميات کاتي موجب ڪراچي ۾ اتر اوڀر کان ٿڌيون هوائون هلي رهيون آهن، جڏهن ته خميس کان رات جو گهٽ ۾ گهٽ گرمي پد 10 کان 11 ڊگري سينٽي گريڊ رهڻ جو امڪان آهي.
موسميات کاتي جي ترجمان انجم نذير موجب ڇنڇر ۽ آچر تي ڪراچي ۾ سردي ۾ وڌيڪ اضافو متوقع آهي، انهن ڏينهن دوران رات جو گرمي پد سنگل ڊيجيٽ ۾ وڃي سگهي ٿو.
ترجمان ٻڌايو ته ڪراچي ۾ گهٽ ۾ گهٽ گرمي پد 9 ڊگري سينٽي گريڊ تائين رهڻ جو امڪان آهي، جڏهن ته ايندڙ 10 ڏينهن دوران ڪراچي سميت سموري سنڌ ۾ برسات جو ڪو به امڪان ناهي.
موسميات کاتي موجب 18 يا 19 جنوري تي اولهه کان ايندڙ هوائن جو سسٽم مٿين علائقن تي اثرانداز ٿي سگهي ٿو، جڏهن ته ان مغربي سسٽم سبب سنڌ ۾ برسات ٿيندي يا نه، ان بابت اڳڪٿي بعد ۾ ڪئي ويندي.
What’s your Reaction?
+1
+1
+1
+1
+1
