اسلام آباد جي ڪيپيٽل ڊولپمينٽ اٿارٽي (سي ڊي اي) جهنگلي شهتوت جا وڻ ڪٽي مقامي وڻن جي پوک لاءِ ٽينڊر جاري ڪري ڇڏيو آهي.
سي ڊي اي طرفان جاري ڪيل ٽينڊر ۾ چيو ويو آهي ته سپريم ڪورٽ جي حڪمن تي عملدرآمد ڪندي اسلام آباد ۾ پولن الرجي جو سبب بڻجندڙ جهنگلي شهتوت جا وڻ ڪٽي، انهن جي جاءِ تي ماحول دوست مقامي وڻ پوکڻ جو فيصلو ڪيو ويو آهي.
ڪيپيٽل ڊولپمينٽ اٿارٽي جي ذريعن موجب جنهن ٺيڪيدار کي جهنگلي شهتوت جا وڻ ڪٽڻ جو ٺيڪو ڏنو ويو هو، ان 3 کان 4 ايڪڙ ايراضيءَ تي جهنگلي شهتوت سان گڏ اتي لڳل سمورا وڻ به ڪٽي ڇڏيا.
ذريعن جو چوڻ آهي ته وفاقي گاديءَ واري شهر ۾ لڳ ڀڳ چار ايڪڙ زمين کي هر وڻ کان خالي ڪيو ويو آهي، ۽ ٺيڪيدار اها ڪٽائي بغير مارڪنگ ۽ سڃاڻپ جي ڪئي آهي.
What’s your Reaction?
+1
+1
+1
+1
+1
