لاهور: وڪيل نبيل ڪاهلھن جي طرفان پاڪستان انٽرنيشنل ايئر لائنز (پي آءِ اي) جي نجڪاري کي چيلينج ڪندي درخواست داخل ڪئي وئي آهي، جنهن جي ٻڌڻي لاهور هاءِ ڪورٽ ۾ 8 جنوري تي ٿيندي.
درخواست ۾ استدعا ڪئي وئي آهي ته پي آءِ اي جي 75 سيڪڙو شيئرز جي وڪري کي غير آئيني ۽ غير قانوني طور منسوخ قرار ڏنو وڃي.
درخواست گذار موقف اختيار ڪيو آهي ته نجڪاري جي عمل ۾ پي آءِ اي جي اصل ماليت کي نظرانداز ڪندي اربين رپين جي گهٽ قيمت مقرر ڪئي وئي، جيڪا قومي مفاد جي خلاف آهي.
ان کان علاوه چيو ويو آهي ته پي آءِ اي جي جهازن ۽ اثاثن جي مجموعي ماليت 460 ارب رپين کان وڌيڪ آهي، جيڪا نجڪاري دوران مناسب قيمت تي نه رکيو ويو.
درخواست ۾ عدالت کان اها به استدعا ڪئي وئي آهي ته نجڪاري جي فيصلي کي معطل ڪيو وڃي، جيئن قومي مفاد ۽ قانوني گهرجن جو تحفظ يقيني بڻجي سگهي.
عدالت جي ايندڙ ٻڌڻي ۾ ٻنهي فریقين جا دليل ٻڌڻ کان پوءِ حڪم نامو جاري ڪيو ويندو، جيڪو پي آءِ اي جي مستقبل جي نجڪاري جي عمل تي اثرانداز ٿي سگهي ٿو.
