موسميات کاتي ڪراچي ۾ سردي جي شدت ۾ گهٽتائي جو امڪان ظاهر ڪيو آهي۔
موسميات کاتي موجب ايندڙ 3 ڏينهن شهر جو موسم خشڪ ۽ رات جو ٿڌو رهندو، جڏهن ته صبح جي وقت ڌند پوڻ جو به امڪان آهي۔
موسميات کاتي ٻڌايو آهي ته شهر ۾ خميس ڏينهن گهٽ ۾ گهٽ گرمي پد 11 کان 13 ڊگري سينٽي گريڊ تائين رهڻ جو امڪان آهي، جڏهن ته جمعي ڏينهن گهٽ ۾ گهٽ گرمي پد 12 کان 14 ڊگري سينٽي گريڊ تائين ٿي سگهي ٿو۔
ان دوران شهر جو وڌ ۾ وڌ گرمي پد 25 کان 27 ڊگري سينٽي گريڊ تائين رهڻ جو امڪان آهي۔
موسميات کاتي موجب اتر اوڀر کان خشڪ ۽ ٿڌيون هوائون هلي سگهن ٿيون، جڏهن ته منجهند کانپوءِ ڏکڻ اولهه کان سامونڊي هوائون هلڻ جو امڪان آهي۔
What’s your Reaction?
+1
+1
+1
+1
+1
