سکر نيشنل بئنڪ آف پاڪستان جي 77هين سالياني جنرل ميٽنگ (AGM) ۾ سامهون آيل بي ضابطگين تي پينشنر ايڪشن ڪاميٽي سنڌ جي وائيس چيئرمين آغا بشير ترين سخت تحفظات جو اظهار ڪيو آهي۔
هن چيو ته اجلاس ۾ چيئرمين جي غير موجودگي، ڪورم جي کوٽ ۽ سي اي او طرفان پاڻ فيصلا ڪرڻ قاعدن ۽ ضابطن جي ابتڙ آهي، جنهن سان شفافيت متاثر ٿي آهي۔
هن وڌيڪ چيو ته هي اهم اجلاس قانوني گهرجن موجب منعقد ٿيڻ گهرجي ها، پر ائين نه ڪيو ويو۔
هن مطالبو ڪيو ته معاملي جي شفاف جاچ ڪري ذميوارن جو تعين ڪيو وڃي۔
جڏهن ته ماهرن موجب انهن بي ضابطگين سبب اجلاس جي ڪارروائي کي ڪالعدم به قرار ڏئي سگهجي ٿو۔
What’s your Reaction?
+1
1
+1
+1
+1
+1
