بهاولپور ۾ باهه لڳڻ جي ٻن الڳ واقعن ۾ مڙس زال سميت 3 ماڻهو سڙي فوت ٿي ويا۔
ريسكيو عملدارن موجب، حاصل پور ۾ سردي کان بچاءَ لاءِ گهر ۾ هلندڙ هيٽر سبب باهه لڳي، جنهن جي نتيجي ۾ ڪمري ۾ سمهيل پوڙهو مڙس زال باهه ۾ سڙي ۽ دونهي سبب دم گهٽجڻ ڪري فوت ٿي ويا۔
هوڏانهن خانقاه شريف ۾ 50 ورهين جو موٽر ميڪينڪ دڪان ۾ هلندڙ هيٽر مان لڳندڙ باهه سبب سڙي فوت ٿي ويو۔
ان کان علاوه سرگودها ۾ محمدي ڪالوني، هاٿي چوڪ ۾ گيس ليڪيج سبب گهر ۾ باهه لڳڻ سان 7 ماڻهو سڙي زخمي ٿي پيا۔
حافظ آباد ۾ گيس ليڪيج سبب ڌماڪي سان ٻه ماڙ گهر جون ڇتيون ڪري پيون، جنهن جي نتيجي ۾ 3 ماڻهو زخمي ٿي پيا۔
What’s your Reaction?
+1
+1
+1
+1
+1
