اسلام آباد: وفاقي ڪابينا 10 رپين جو نوٽ ختم ڪرڻ يا نه ڪرڻ واري معاملي تي وزير خزانه جي سربراهي ۾ هڪ ڪميٽي قائم ڪري ڇڏي آهي.
ڪميٽي کي هدايت ڪئي وئي آهي ته هوءَ ان معاملي تي سفارشون پيش ڪري ته ڇا 10 رپين جو بينڪ نوٽ ختم ڪيو وڃي يا نه.
ذريعن موجب وفاقي ڪابينا ڪميٽي کي اهو ٽاسڪ ڏنو آهي ته 10 رپين جي بينڪ نوٽ جي پيداواري لاڳت کي نظر ۾ رکندي سفارشون تيار ڪيون وڃن، ۽ گڏوگڏ اهو به سفارش ڪئي وڃي ته ڇا 10 رپين جي بينڪ نوٽ جي مقابلي ۾ 10 رپين جو سڪو وڌيڪ فائديمند آهي يا نه.
ڪابينا ڪميٽي جي سفارشن جي روشني ۾ وفاقي ڪابينا حتمي فيصلو ڪندي.
