ڪراچي: ايم اي جناح روڊ تي واقع گل پلازہ ۾ گذريل رات باھ لڳڻ کانپوءِ ڪيترائي ماڻهو اڃا تائين لاپتا آهن.
ڊي سي ساوٿ مطابق، گل پلازہ ۾ باھ لڳڻ دوران اڃا تائين 16 لاپتا ماڻهن جي گهروالن رابطو ڪيو آهي.
لاپتا ماڻهن جا گهروال مختلف اسپتالن ۾ پنهنجن پيارن جي تلاش ۾ مصروف آهن. گهروال جو چوڻ آهي ته رات تائين رابطو هو، پر هاڻي فون بند آهن.
سول اسپتال جي برنس سينٽر جي ٻاهر به متاثر ماڻهن جا گهروال وڏي تعداد ۾ موجود آهن. گهروال مطابق خدشو آهي ته ڪيترائي ماڻهو اڃا تائين عمارت جي اندر موجود آهن.
ياد رهي ته ڪيترن ڪلاڪن گذرڻ کانپوءِ به باھ تي قابو نه پيو اچي، باھ جي شدت سبب گل پلازہ جا ڪجهه حصا گرجي ويا.
هفتي جي رات لڳ ڀڳ ڏه بج کر پنج منٽ تي گل پلازہ جي گرائونڊ فلور تي باھ لڳي جيڪا ڏسندي ئي ڏسندي ٽئين منزل تائين پهچي وئي.
ريسڪيو ذريعن جو چوڻ آهي ته باھ لڳڻ سبب هڪ فائر فائٽر سميت 6 ماڻهو فوت ٿي ويا جڏهن ته 20 ماڻهو زخمي ٿيا جن کي اسپتال منتقل ڪيو ويو، جن جي حالت پڻ تشويشناڪ ٻڌائي پئي وڃي.
فوت ٿيل ماڻهن مان 4 جي سڃاڻپ فراز، ڪاشف، عامر ۽ شهروز جي نالن سان ڪئي وئي آهي، جڏهن ته اهلڪار مطابق فرقان نالي فائر فائٽر جي لاش پڻ ٽرمام سينٽر آندي وئي آهي.
