معروف اداڪاره صبا قمر وزيراعليٰ پنجاب مريم نواز جي ڪم جي تعريف ڪندي انهن کي ساراهيو.
تازو مريم نواز صوبي جي انتظاميا سان ميٽنگ ڪئي، جنهن ۾ هنن ڪميشنرز ۽ ڊپٽي ڪميشنرز کي هدايت ڏني ته ڪنهن به حادثي کان بچڻ لاءِ صوبي ۾ گٽرن جا ڍڪ لڳايا وڃن ۽ رستن تي موجود گٽر صحيح طريقي سان ٺهرايا وڃن.
سوشل ميڊيا تي وزيراعليٰ پنجاب جو هي ڪلپ تمام گهڻو وائرل ٿي رهيو آهي، جنهن تي اداڪاره صبا قمر پڻ پنهنجي خيالن جو اظهار ڪندي انهن کي ساراهيو.
صبا قمر مريم نواز جي تعريف ڪندي لکيو ته ’مان ڪجهه عرصي کان پنجاب ۾ ٿيندڙ تبديلي جو مشاهدو ڪري رهي آهيان ۽ مريم نواز جي تازو تقرير حقيقي عزم ڏيکاري ٿي، بهتر حڪمراني، عوامي فلاح و ڀلائي ۽ ترقي لاءِ کيل ڪيل هر قدم تعريف جوڳو آهي‘.
هن چيو ته ’ترقي مان سڀني کي فائدو ٿيندو ۽ مون کي اميد آهي ته هي مثبت تبديلي پنجاب ۽ ان جي عوام لاءِ جاري رهندي‘.
