اريخ: 25 مارچ 2026
ٽائون ميونسپل ڪارپوريشن منگھوپير جي چيئرمين حاجي نواز علي بروهي جي صدارت هيٺ هڪ نهايت اهم ۽ جامع اجلاس منعقد ٿيو، جنهن ۾ امڪاني برساتن جي پيش نظر رين ايمرجنسي جي موثر انتظامن ۽ جاري توڙي مجوزه ترقياتي منصوبن تي تفصيلي غور ويچار ڪيو ويو۔
اجلاس ۾ ميونسپل ڪمشنر آغا خليق، ڊائريڪٽر سينيٽيشن لياقت يوسف، ڊائريڪٽر ٽيڪسز اڪبر ڀمرو، ڊائريڪٽر ايڊورٽائزمينٽ حافظ محمد شعيب، ڊائريڪٽر هيومن ريسورس مينيجمينٽ محمد قديرالدين، ڊائريڪٽر پراپرٽي ٽيڪس اسد صديقي، ڊائريڪٽر پارڪس سليم دربار، بي اين آر ڊپارٽمينٽ مان آفاق عالم ۽ جنيد صديقي، جڏهن ته ايم اينڊ ڊي مان فهد جميل سميت ٻين لاڳاپيل آفيسرن شرڪت ڪئي۔
اجلاس دوران سمورن شعبن جي آفيسرن پنهنجي ڪارڪردگي، جاري ترقياتي اسڪيمون ۽ خاص طور تي رين ايمرجنسي بابت ڪيل انتظامن تي تفصيلي بريفنگ ڏني۔ چيئرمين حاجي نواز علي بروهي بريفنگ جو جائزو وٺندي لاڳاپيل آفيسرن کي هدايتون جاري ڪيون ته امڪاني برساتن دوران ڪنهن به هنگامي صورتحال کي منهن ڏيڻ لاءِ سمورو عملو هر وقت الرٽ ۽ متحرڪ رهي، جڏهن ته نيڪالِ آب جي نظام کي مڪمل طور تي فعال ۽ موثر بڻايو وڃي ته جيئن شهرين کي ڪنهن به تڪليف کي منهن نه ڏيڻو پوي۔
هن ڊائريڪٽر سينيٽيشن کي خاص هدايتون ڏيندي چيو ته نالن، نالين ۽ گٽرن جي صفائي جو عمل هنگامي بنيادن تي مڪمل ڪيو وڃي ۽ انهن سڀني هنڌن جي فوري نشاندهي ڪئي وڃي جتي برسات دوران پاڻي جمع ٿيڻ جو خدشو هجي۔ وڌيڪ اهو به هدايت ڪئي وئي ته هيوي مشينري ۽ ڊي واٽرنگ پمپس جي بروقت دستيابي ۽ ڪارڪردگي کي يقيني بڻايو وڃي ته جيئن ڪنهن به صورتحال کي فوري طور تي سنڀالي سگهجي۔
چيئرمين ترقياتي منصوبن بابت ڳالهائيندي واضح ڪيو ته علائقي ۾ جاري سڀئي ترقياتي اسڪيمون مقرر وقت اندر مڪمل ڪيون وڃن ۽ ڪم جي معيار تي ڪنهن به قسم جو سمجهوتو نه ڪيو وڃي۔ هن ان ڳالهه تي پڻ زور ڏنو ته عوامي مسئلن جي حل ۽ بنيادي سهولتن جي فراهمي کي اولين ترجيح ڏني وڃي ۽ سمورا شعبا باهمي رابطو ۽ موثر هم آهنگي سان پنهنجون ذميواريون نڀائن۔
اجلاس جي پڄاڻي تي چيئرمين حاجي نواز علي بروهي ان عزم جو اظهار ڪيو ته منگھوپير ٽائون ۾ ترقياتي ڪم وڌيڪ تيزي سان جاري رکيا ويندا ۽ شهرين کي هر ممڪن سهولتون فراهم ڪيون وينديون، خاص طور تي برساتن دوران بهترين انتظامن ذريعي عوام کي پيش ايندڙ مشڪلاتن کان محفوظ رکيو ويندو۔
جاري ڪندڙ
اسد صديقي
ڊائريڪٽر انفارميشن
ٽائون ميونسپل ڪارپوريشن منگھوپيراطلاعات ۽ عوامي تعلقات کاتوپريس رليز
What’s your Reaction?
+1
+1
+1
+1
+1
Leave a Comment
وزيراعظم شهباز شريف جي ترڪ ڪمپنين کي پاڪستان ۾ وڌيڪ سيڙپڪاري جي دعوت
استنبول: وزيراعظم شهباز شريف ترڪي جي دوري دوران ترڪ سيڙپڪارن ۽ ڪاروباري اڳواڻن سان اهم ملاقاتون ڪيون، جن ۾ پاڪستان…
ڀارت جي ڪوڙي پروپيگنڊا کي سخت ڌڪ، فاروق آباد ۾ سک برادري جي ڌرم شالا جي ڪريل ڀت ٻيهر تعمير ڪرڻ جو اعلان
فاروق آباد (شيخوپوره): پاڪستان خلاف ڀارت پاران هلائي ويندڙ ڪوڙي…
