بيجنگ: (اڱارو: 31 مارچ 2026ع) پاڪستان ۽ چين جي پرڏيهي وزيرن ايران جي معاملي تي اسٽريٽجڪ تعاون کي وڌيڪ هٿي ڏيڻ جو فيصلو ڪري ورتو آهي.
چين جي پرڏيهي وزارت جي ترجمان چيو ته چين ۽ پاڪستان هر حال ۾ اسٽريٽجڪ ڀائيوار آهن ٻئي ملڪ عالمي ۽ علاقائي مسئلن تي هڪ جهڙو موقف رکن ٿا.
چيني پرڏيهي وزارت جي ترجمان موجب پاڪستان ۽ چين جي پرڏيهي وزيرن ايران جي معاملي تي اسٽريٽجڪ تعاون کي وڌيڪ هٿي ڏيندا ۽ خطي ۾ امن جي قيام لاءِ گڏيل ڪوششون جاري رکندا.
چين جي پرڏيهي وزارت جو چوڻ آهي ته خطي ۾ ڇڪتاڻ گهٽ ڪرڻ جي لاءِ چين اهم ڪردار ادا ڪندو رهندو. چيني پرڏيهي وزارت جي ترجمان صديق ڪئي ته تازي ڇڪتاڻ واري صورتحال جي باوجود 3 چيني جهاز آبنائي هرمز مان حفاظت سان گذريا جنهن تي لاڳاپيل ڌرين جي تعاون تي ٿورو ادا ڪيو ويو. چين جنگ جي دوران تاريخي هنڌن کي پهچندڙ نقصان تي افسوس جو اظهار ڪندي مطالبو ڪيو ته ڌرين، خاص طور تي آمريڪا ۽ اسرائيل فوري طور تي فوجي ڪارروايون بند ڪن ۽ ڇڪتاڻ ۾ اضافي کان پاسو ڪن.
ياد رهي ته نائب وزيراعظم ۽ پرڏيهي وزير اسحاق ڊار چيني پرڏيهي وزير جي دعوت تي چين دوري تي پهتل آهي جتي ٻنهي اڳواڻن جي وچ ۾ علائقائي صورتحال، ٻطرفي لاڳاپن ۽ گڏيل دلچسپي جي عالمي معاملن تي ڳالهيون ٿينديون.
