راولپنڊي:ۡ (اربع: 01 اپريل 2026ع) خيبرپختونخواهه ۾ سيڪيورٽي فورسز جي 2 ڌار ڌار ڪارروائين ۾ ڀارتي پراڪسي فتنته الخوارج جا 13 دهشتگرد مارجي ويا.
آءِ ايس پي آر موجب 30 مارچ 2026ع تي خيبرپختونخواهه ۾ 2 مختلف ڪارروائين جي دوران ڀارتي پراڪسي فتنته الخوارج سان تعلق رکندڙ 13 دهشتگرد مارجي ويا.
ترجمان موجب خوارج جي موجودگي جي اطلاع تي سيڪيورٽي فورسز خيبر ضلعي جي علائقي باڙه ۾ انٽيليجنس بيسڊ آپريشن ڪيو، انهي دوران فورسز موثر انداز ۾ خوارج جي ٺڪاڻي کي نشانو بنايو جنهن دوران شديد فائرنگ جي ڏي وٺ کان پوءِ 10 خوارج مارجي ويا.
آءِ ايس پي آر موجب هڪ ٻيو انٽيليجنس بيسڊ آپريشن ضلعي بنون ۾ ڪيو ويو، جتي فائرنگ جي ڏي وٺ ۾ وڌيڪ 3 خوارج دهشتگرد مارجي ويا، بيان ۾ چيو ويو آهي ته علائقي ۾ ڪنهن به امڪاني ڀارتي سرپرستي ۾ ڪم ڪندڙ خوارج دهشتگردن جي خاتمي لاءِ ڪليئرنس آپريشن جاري آهن.
آءِ ايس پي آر موجب قومي ايڪشن پلان جي تحت وفاق اپيڪس ڪميٽي جي منظوري سان جاري آپريشن عزم استحڪام جي تحت سيڪيورٽي فورسز ۽ قانون لاڳو ڪندڙ ادارا ملڪ مان غير ملڪي سرپرستي ۾ ٿيل دهشتگردي جي مڪمل خاتمي جي لاءِ پنهنجون ڪارروايون ڀرپور انداز ۾ جاري رکندا.
وزيراعظم شهباز شريف خيبرپختونخواهه ۾ 13 خارجين جي مارجي وڃڻ تي سيڪيورٽي فورسز کي خراج تحسين پيش ڪندي چيو آهي ته فورسز پنهنجي پيشه وارانه مهارت سان بنون ۽ باڙه ۾ دهشتگردن کي جهنم واصل ڪيو. پنهنجي بيان م هن چيو ته ملڪ جي حفاظت لاءِ سيڪيورٽي فورسز دهشتگردن جي خلاف اهم ڪارروايون ڪري رهي آهي. پاڪستان جي حڪومت ملڪ مان دهشتگردي جي مڪمل خاتمي لاءِ پرعزم آهي.
