اسلام آباد: (اربع: 01 اپريل 2026ع) ارومچي ۾ پاڪستان، افغانستان ۽ چين وچ ۾ هڪ اهم اجلاس منعقد ٿيو جنهن ۾ علاقائي امن، استحڪام ۽ گڏيل تعاون کي هٿي ڏيڻ تي تفصيلي خيالن جي ڏي وٺ ڪئي وئي.
اجلاس جي دوران چين پاڪستان ۽ افغاستان جي وچ ۾ اعتماد سازي ۽ لاڳاپن جي بهتري لاءِ ٽياڪڙي جو ڪردار ادا ڪيو. چيني اختيارين ٻنهي پاڙيسري ملڪن جي وچ ۾ ڇڪتاڻ گهٽ ڪرڻ ۽ تعاون وڌائڻ تي زور ڏيندي انهي ڳالهه جي اهميت کي اجاگر ڪيوته خطي ۾ هم آهنگي ۽ گڏيل مفادن کي حاصل ڪرڻ جي لاءِ مثبت قدم تمام گهڻو ضروري آهن.
اجلاس ۾ سيڪيورٽي، سرحدي معاملن ۽ اقتصادي رابطن سميت اهم معاملا غور هيٺ آيا جڏهن ته شرڪت ڪندڙن خطي ۾ پائيدار امن جي قيام لاءِ گڏيل ڪوششن جي ضرورت تي اتفاق ڪيو. ٽن ڌرين وچ ۾ ملاقات خطي ۾ استحڪام ۽ تعاون کي هٿي ڏيڻ جي لاءِ هڪ مثبت اڳڀرائي قرار ڏني پئي وڃي.
What’s your Reaction?
+1
+1
+1
+1
+1
