پيرس ڇو ڇڏيو؟ شرميلا فاروقي موڪلون گذارڻ لاءِ ترقي پهچي وئي، سوشل ميڊيا تي تنقيد

پاڪستاني سياستدان شرميلا فاروقي ڪراچي کي پيرس قرار ڏيڻ کان پوءِ موڪلون گذارڻ جي لاءِ ترڪي پهچي وئي جنهن تي سوشل ميڊيا صارفين طرفان کيس تنقيد جو نشانو بنايو پيو وڃي. شرميلا فاروقي هڪ مشهور پاڪستاني سياستدان آهي جيڪا پاڪستان پيپلز پارٽي سان مضبوط وابستگي هجڻ سبب سڃاتي ويندي آهي. هو هڪ مشهور سياسي خاندان سان تعلق رکي ٿي جيڪو ڪافي وقت کان پارٽي جي قيادت ۽ نظريئي سان جڙيل رهيو آهي. شرميلا فاروقي مختلف حيثيتن ۾ پيپلز پارٽي جي پليٽ فارم تان ڪراچي جي عوام جي نمائندگي ڪئي آهي، انهي جو سياسي ڌيان شهري ترقي، عورتن کي بااختيار بنائڻ ۽ عوامي فلاح جي منصوبن تي رهي آهي. انهي جي شادي ڪاروباري شخصيت حشام رياض شيخ سان ٿي آهي جنهن کان پوءِ هاڻ هو هڪ پٽ جي ماءُ به آهي. هلندڙ ڏينهن ۾ شرميلا فاروقي ترڪي ۾ موڪلون گذاري رهي آهي ۽ اهو دورو اهڙي وقت سامهون آيو جڏهن تازو ئي ڪراچي بابت انهي جو هڪ بيان سوشل ميڊيا تي وائرل ٿيو هو. جنهن ۾ هن ڪراچي جي ڀيٽ پيرس سان ڪندي چيو ته مان دنيا جي ڪنهن به شهر تي ڪراچي کي وڌيڪ ترجيح ڏيان ٿي. حقيقت ۾ هڪ نجي ٽي وي پروگرام ۾ شرڪت جي دوران شرميلا ڪراچي جي ڀيٽ سڌو سنئون پيرس سان ڪري ڇڏي هئي جنهن تي محفل ۾ موجود ماڻهن به کلي ڏنو هو. شرميلا جو مڙس هشام ۽ پٽ به ترڪي ۾ انهي سان گڏ آهي، هن پنهنجي سوشل ميڊيا اڪائونٽس تي انهي سفر جون خوبصورت تصويرون به شيئر ڪيون آهن. سوشل ميڊيا صارفين شرميلا فاروقي کي انهي ڳالهه تي تنقيد جو نشانو بنائي رهيا آهن ته ڪراچي کي دنيا جو بهترين شهر قرار ڏيڻ جي فورن بعد هو پرڏيهه موڪلون گذارڻ جي لاءِ رواني ٿي وئي. هڪ صارف لکيو ته هو پيرس(ڪراچي) کان استنبول هلي وئي آهي.“ هڪ ٻئي صارف تنقيد واري انداز ۾ چيو ته ڇا هو پاڪستان جي پيرس ۾ انجواءِ نه ڪري رهي آهي؟ هڪ صارف تبصرو ڪندي چيو ته واپسي تي صفوران اچڻ کان پوءِ ڪراچي ۾ رڪشي جي سواري ضرور ڪجو.