آمريڪي صدر ڊونلڊ ٽرمپ اعلان ڪيو آهي ته پاڪستان جي هٿياربند فوج جي سربراهه فيلڊ مارشل سيد عاصم منير ۽ وزيراعظم شهباز شريف جي درخواست تي في الحال ايران تي حملا ملتوي ڪري رهيا آهيون.
پنهنجي سوشل ميڊيا پليٽ فارم ٽروٿ سوشل تي آمريڪي صدر دعويٰ ڪئي ته ايران جي حڪومت اندروني طور تي ورهاست جو شڪار ٿي وئي آهي.
ٽرمپ جي بقول پاڪستان جي فيلڊ مارشل عاصم منير ۽ وزيراعظم شهباز شريف طرفان اسان کي چيو ويو آهي ته ايران تي حملو انهي وقت تائين ملتوي ڪيو وڃي جيستائين اتان جي قيادت ۽ نمائندا ڪنهن گڏيل تجويز تي متفق نه ٿي وڃن.
صدر ٽرمپ ٻڌايو ته انهي کان پوءِ آمريڪي فوج کي حملا نه ڪرڻ جي هدايت ڪئي آهي پر ايران جي خلاف بحريه ناڪه بندي جاري رکڻ ۽ هر ممڪن صورتحال جي لاءِ تيار رهڻ جا حڪم جاري ڪيا ويا آهن.
آمريڪي صدر جنگبندي ۾ واڌ جو اعلان ڪندي چيو ته اها واڌ انهي وقت تائين برقرار رهندي جيستائين ايران طرفان باضابطه تجويز پيش نٿي ڪئي وڃي ۽ ڳالهيون ڪنهن نتيجي تائين نٿيون پهچي وڃن.
