برطانوي اخبار فنانشل ٽائمز جي هڪ رپورٽ ۾ انڪشاف ڪيو ويو آهي ته پاڪستان آمريڪا ۽ ايران جي وچ ۾ جاري ڇڪتاڻ گهٽ ڪرڻ ۽ ڳالهين کي مڪمل طور تي ناڪام ٿيڻ کان بچائڻ جي لاءِ سرگرم ڪردار ادا ڪري رهيو آهي. رپورٽ موجب چيف آف ڊفينس فورسز فيلڊ مارشل عاصم منير انهي سفارتي عمل ۾ هڪ اهم ۽ غير روايتي ڪردار جي طور تي سامهون آيو آهي جيڪو ٻنهي ملڪن جي وچ ۾ رابطه ڪاري کي برقرار رکڻ جي ڪوشش ڪري رهيو آهي. اخبار موجب آمريڪا ۽ ايران جي وچ ۾ ڳالهيون هن وقت نازڪ مرحلي ۾ آهن، جتي گڏيل ڀروسي جي کوٽ، اقتصادي پابنديون ۽ تازو هلندڙ فوجي ڇڪتاڻ اهم رنڊڪون بڻيل آهن. رپورٽ ۾ چيو ويو آهي ته پاڪستان اهڙين مشڪلاتن جي باوجود ٻنهي ڌرين جي وچ ۾ رابطي جي پل بنجڻ جي ڪوشش ڪري رهيو آهي ته جيئن ڳالهين جي عمل کي جاري رکي سگهجي ۽ خطي ۾ ڇڪتاڻ کي گهٽ ڪري سگهجي. تجزيه ڪارن موجب جيڪڏهن اهي ڪوششون ڪامياب ٿي وڃن ٿيون ته نه صرف خطي ۾ استحڪام ايندو پر عالمي سطح تي به ڇڪٽاڻ ۾ گهٽتائي جا امڪان پيدا ٿي سگهن ٿا.
آمريڪا ايران ڳالهيون ڪامياب ڪرڻ لاءِ فيلڊ مارشل عاصم منير اهم ڪردار ادا ڪري رهيو آهي: فنانشل ٽائمز
Leave a Comment
وزيراعظم شهباز شريف جي ترڪ ڪمپنين کي پاڪستان ۾ وڌيڪ سيڙپڪاري جي دعوت
استنبول: وزيراعظم شهباز شريف ترڪي جي دوري دوران ترڪ سيڙپڪارن ۽ ڪاروباري اڳواڻن سان اهم ملاقاتون ڪيون، جن ۾ پاڪستان…
ڀارت جي ڪوڙي پروپيگنڊا کي سخت ڌڪ، فاروق آباد ۾ سک برادري جي ڌرم شالا جي ڪريل ڀت ٻيهر تعمير ڪرڻ جو اعلان
فاروق آباد (شيخوپوره): پاڪستان خلاف ڀارت پاران هلائي ويندڙ ڪوڙي…
