ڪراچي جي مختلف علائقن فيروز آباد، سپر مارڪيٽ، شريف آباد ۽ مبينه ٽائون ۾ پوليس جي مبينه مقابلن جي دوران هڪ ڏوهاري مارجي ويو جڏهن ته 5 کي زخمي حالت ۾ گرفتار ڪري هٿيار ۽ ٻيو سامان هٿ ڪيو ويو آهي. تفصيل موجب فيروز آباد پوليس ۽ شاهين فورس جي جوانن اربع ۽ خميس جي رات دير سان شهيد ملت روڊ هل پارڪ باغ بهار شادي هال جي ڀرسان چيڪنگ دوران مبينه مقابلي ۾ هڪ ڏوهاري مارجي ويو جنهن جي لاش قانوني ڪارروائي جي لاءِ اسپتال منتقل ڪئي وئي. ايس ايڇ او فيروز آباد انسپيڪٽر عديل افضال موجب مارجي ويل ڏوهاري جي سڃاڻپ 35 ورهين جي عثمان عرف نورالبشير عرف عثمان بنگالي ولد ابوالڪلام جي نالي سان ڪئي وئي آهي، جڏهن ته انهي جو هڪ ساٿي واقعي واري هنڌان فرار ٿي وڃڻ ۾ ڪامياب ٿي ويو. پوليس موجب مارجي ويل ڏوهاري جي قبضي مان هڪ پستول، گوليون، موبائل فون، روڪ رقم ۽ موٽر سائيڪل هٿ ڪئي وئي آهي، جڏهن ته انهي جو اڳوڻو رڪارڊ حاصل ڪرڻ ۽ فرار ڏوهاري جي گرفتاري لاءِ ڇاپا هنيا پيا وڃن. ٻئي طرف سپر مارڪيٽ پوليس اربع ۽ خميس جي رات دير سان لياقت آباد چونا ڊپو ندي ڪناري جي ڀرسان مبينا مقابلي کان پوٰءِ 2 ڦورن کي زخمي حالت ۾ گرفتار ڪري ورتو جن کي طبي امداد جي لاءِ عباسي شهيد اسپتال منتقل ڪيو ويو. ڪراچي پوليس جي ترجمان موجب گرفتار ڏوهارين جي سڃاڻپ 24 ورهين جي صدام حسين ولد شاهه جهان ۽ 22 ورهين جي عمران ولد جهانگير جي نالن سان ڪئي وئي آهي، پوليس ڏوهارين جي قبضي مان 2 پسٽل، گوليون، موبائل فون، روڪ رقم ۽ موٽر سائيڪل هٿ ڪئي. شريف آباد پوليس به اربع ۽ خميس جي رات دير سان ايف سي ايريا ريلوي لائين جي ڀرسان مبينه مقابلي کان پوءِ 2 ڏوهارين کي زخمي حالت ۾ گرفتار ڪيو، زخمي ڏوهارين کي عباسي شهيد اسپتال منتقل ڪيو ويو. ڪراچي پوليس جي ترجمان موجب گرفتار ڏوهارين جي سڃاڻپ 45 ورهين جي اعجاز ولد سيد حسن ۽ 42 ورهين جي محمد عدنان ولد محمد انور جي نالن سان ڪئي وئي آهي. پوليس موجب ڏوهارين جي قبضي مان پسٽل، گوليون، موبائل فون، روڪ رقم ۽ موٽر سائيڪل هٿ ڪئي وئي آهي. هوڏانهن مبينه ٽائون پوليس اربع ۽ خميس جي رات دير سان يونيورسٽي روڊ سمامه پل جي ڀرسان مبينه مقابلي کان پوءِ هڪ ڦورو کي زخمي حالت ۾ گرفتار ڪري ورتو. زخمي ڏوهاري کي ايمبولينس ذريعي عباسي شهيد اسپتال منتقل ڪيو ويو. پوليس موجب زخمي ٿيل ڏوهاري جي سڃاڻپ 40 ورهين جي نادر ولد غلام حيدر جي نالي سان ڪئي وئي آهي جنهن جي قبضي مان هڪ پسٽل، گوليون، موبائل فون ۽ روڪ رقم هٿ ڪئي وئي آهي.
ڪراچي: پوليس مقابلن ۾ هڪ ڏوهاري مارجي ويو، 5 زخمي حالت ۾ گرفتار، هٿيار هٿ
Leave a Comment
سکر: پنوعاقل ۾ جوابدارن پاران گهر تي حملو، عورتن ۽ ٻارن مٿان تشدد جو الزام، متاثرين جو پريس ڪلب اڳيان احتجاج
سکر (بيورو رپورٽ): پنوعاقل جي علائقي سان تعلق رکيندڙ بروھي برادري جي مردن ۽ عورتن بااثر جوابدارن پاران زيادتين، تشدد،…
حيدرآباد ۾ يومِ دفاع تي پاڪ فوج جي حمايت ۾ ريلي، شهيدن کي ڀيٽا پيش
ہمارا اعلان پر امن پاکستان بین المذاہب ہم آہنگی ادارہ…
