پاڪستان پيپلز پارٽي ڊسٽرڪٽ ويسٽ پاران مادرِ جمهوريت بيگم نصرت ڀٽو جي ورسيءَ جي موقعي تي قرآن خواني ۽ دعائيه تقريب.

ڪراچي (رپورٽ: پير بخش نوناري)ڪراچي پاڪستان پيپلز پارٽي ڊسٽرڪٽ ويسٽ پاران مادرِ جمهوريت بيگم نصرت ڀٽو جي ورسيءَ جي موقعي تي قرآن خواني ۽ دعائيه تقريب منعقد ڪئي وئي، جنهن ۾ پارٽي اڳواڻن، چونڊيل بلدياتي نمائندن، ڪارڪنن ۽ ذيلي تنظيمن جي عهديدارن وڏي انگ ۾ شرڪت ڪئي.تقريب ۾ ڊسٽرڪٽ ويسٽ جي صدر عابد حسين ستي، سينيئر نائب صدر صديق اڪبر، انفارميشن سيڪريٽري علي اڪبر ڪڇيلو، منگهوپير ٽائون جي چيئرمين حاجي نواز بروهي، اورنگي ٽائون جي چيئرمين جميل ضياءَ ڊائري ۽ ليڊيز ونگ ويسٽ جي صدر زبيده اقبال سميت پي ايس جي ذميوارن، اقليتي ونگ، يوٿ ونگ ۽ ٻين ذيلي تنظيمن جي عهديدارن، يوسي ۽ وارڊ جي ذميوارن، چيئرمينن، وائيس چيئرمينن، ڪائونسلرن ۽ پارٽي ڪارڪنن شرڪت ڪئي.ان موقعي تي ضلعي صدر ۽ ٻين پارٽي اڳواڻن مادرِ جمهوريت بيگم نصرت ڀٽو کي جمهوريت جي بحالي، آئين جي بالادستي ۽ عوام جي جمهوري حقن لاءِ ڪيل عظيم جدوجهد ۽ لازوال قربانين تي ڀيٽا پيش ڪئي اڳواڻن چيو ته بيگم نصرت ڀٽو آمريت جي ڏکين ترين دورن ۾ به جمهوريت جو جهنڊو بلند رکيو ۽ قيد و بند جون سختيون برداشت ڪندي جمهوري جدوجهد جاري رکي. هن پنهنجي ور قائدِ عوام شهيد ذوالفقار علي ڀٽو جي شهادت جو صدمو برداشت ڪيو ۽ پنهنجي ٻارن سميت خاندان جي ٻين پيارن جي وڇوڙي ۽ شهادتن جا ناقابلِ بيان ڏک سٺا.هنن چيو ته بيگم نصرت ڀٽو جي زندگي بهادري، ثابت قدمي، قرباني ۽ جمهوريت سان غيرمتزلزل وابستگيءَ جو روشن مثال آهي. سندس جدوجهد پاڪستان پيپلز پارٽي جي نظرياتي ڪارڪنن لاءِ مشعلِ راهه آهي ۽ سندس قربانين کي هميشه ياد رکيو ويندو.تقريب جي پڄاڻيءَ تي مادرِ جمهوريت بيگم نصرت ڀٽو ۽ جمهوريت جي راهه ۾ پنهنجون جانيون قربان ڪندڙ سمورن شهيدن جي درجن جي بلندي ۽ مغفرت، جڏهن ته ملڪ پاڪستان جي سلامتي، استحڪام ۽ خوشحاليءَ لاءِ خصوصي دعا گهري وئي.