ڊپٽي ڪمشنر شڪارپور 27 آ ڪٽوبر ڪشميري عوام جي تاريخ ۾ اھم ڏينھن آھي جنھن کي ڪشميري عوام سان يڪجهتي جي اظهار ۽

شڪارپور(مومن علي مهر)
سنڌ حڪومت جي حڪم تحت سڄي ملڪ جيان ضلعي شڪارپور ۾ پڻ مقبوضه ڪشمير ۾ ڀارتي ظلم ۽ بربريت خلاف يومِ سياهه جي موقعي تي احتجاجي ريلي ڪڍي وئي، جيڪا جھاز چوڪ کان پريس ڪلب تائين ڪڍي وئي. ريلي جي اڳواڻي ڊپٽي ڪمشنر شڪارپور ڊاڪٽر شرجيل نور چنہ ڪئي ـ*
خبر موجب، ريلي ۾ ضلعي جي مختلف سرڪاري کاتن جي آفيسرن ، ملازمن،استادن ،شاگردن،ريسڪيو ،انفارميشن ڊپارٽمينٽ،صحافين،شهرين، سول سوسائٽي جي نمائندن ۽ ٻين ماڻهن وڏي انگ ۾ شرڪت ڪئي. ريلي ۾ شريڪ ماڻهن جي هٿن ۾ پاڪستان جا قومي جهنڊا ،بينر ۽ ڪشميري جهنڊا هئا، جڏهن ته ريلي ۾ شرڪت ڪندڙن ڪشمير بڻجندو پاڪستان ۽ ڪشمير جي آزادي جا زوردار نعرا پڻ لڳايا ويا ـ
ان موقعي تي مقررين خطاب ڪندي چيو ته مقبوضه ڪشمير ۾ جاري انساني حقن جي ڀڃڪڙين ۽ ڀارتي ظلمن جي سخت لفظن ۾ مذمت ڪندي عالمي برادريءَ تي زور ڀريو ته اها ڪشميري عوام جي حقِ خودارديت کي تسليم ڪرائڻ لاءِ پنهنجو ڪردار ادا ڪري ۽ ڀارت کي انساني حقن جي ڀڃڪڙين کان روڪڻ لاءِ اثرائتا قدم کڻي.
ان موقعي تي ڊپٽي ڪمشنر شڪارپور چيو ته 27 آ ڪٽوبر ڪشميري عوام جي تاريخ ۾ اھم ڏينھن آھي جنھن کي ڪشميري عوام سان يڪجهتي جي اظهار ۽ سندن حقن لاءِ آواز اٿارڻ جي حوالي ڪارو ڏينهن ملهايو ويندو آهي ڪشميري عوام کي پنهنجي مستقبل جو فيصلو ڪرڻ جو بنيادي حق حاصل آهي ۽ عالمي برادريءَ کي گهرجي ته ڪشمير مسئلي جي منصفاڻي حل لاءِ پنهنجون ذميواريون ادا ڪري .