ايسوسيئيشن جي ميمبر علي نواز خان ٽالپر جي ميزباني ھيٺ ساٿين جي مان ۾ رات جي ماني جو عاليشان بندوبست ڪيو ويو.

حيدرآباد(رپورٽ :محبوب حسين بوزدار ) پاڪستان سينيئر سٽيزن ايسوسيئيشن حيدرآباد جي ميمبر، دلبر مزاج ۽ ھمدرد انسان “محترم علي نواز ٽالپر” طرفان حيدرآباد  ڪلب ۾ سڄڻ ساٿين جي مان ۾ محبتن سان رات جي ماني جو عاليشان انتظام  ڪيو ويو. ھن محبوبي  گڏجاڻي ۾ ڊاڪٽر ھادي بخش جتوئي، دريا خان بلوچ، بشير خان جتوئي، پيرل خان کوسو، نذير احمد شيخ،  دودا خان خاصخيلي، گل حسن جتوئي، غلام سرور ساھڙ، فريد احمد مغيري، ڪرم علي رند، منظور حسين ڪالرو ۽ ٻين دوستن جي شرڪت سان رونقن ۽ مرڪن ۾ اضافو ڏسڻ ۾ آيو. ھن محفل ۾ انجنيئر غلام فريد مغيري پنھنجي تازي شاعريء سان  رونقن ۾ اضافو ڪري ڇڏيو. سڀني شريڪ سڄڻن پاران ھن ڪچھريءَ کي مچائڻ تي ميزبان علي نواز ٽالپر صاحب جو شڪريو ادا ڪيو ويو.
تقريب جي ساڳئين وقت تي ھال ۾ ھوا آرٽسٽ تنظيم جي سرواڻ نواب اسرار خان لغاري جي مان ۾ سندس سڄڻن ۽ سجنين طرفان بہ تقريب جا انتظام ڪيل ھئا .. جن کي ڏسندي سينيئر سٽيزن ايسوسيئيشن جي دوستن به کين ھلي وڃي مبارڪون پيش ڪيون .. ادي شھناز راھو جا قرب جنھن پيار و خلوص سان گلدستا ڏنا جيڪي اسرار صاحب کي مبارڪن سان پيش ڪيا ويا ۽ پاڻ فوٽو ڪڍرايا.. اھڙي ريت محبتون ڏيندڙ آغا انور صاحب طرفان گل ۽ سالگره جو ڪيڪ موڪلي محبتن، پيار ۽ ڀائيچاري واري ماحول ۾  گلن جي خوشبوءِ ملائي واھ واھ ڪري ڇڏي.. ھن موقعي تي بيٺي بيٺي شعر و شاعري جو به اعلان مقابلو ٿيو جنھن ۾ ٻئي شاعر ڪامياب قرار ڏنا ويا. جن کي خوب داد مليو. سدا محبتون قائم رھن… موڙ ڪنھن جا نه مرجھائين.