سکر/روهڙي: جمعيت علماء اسلام ضلع سکر جي امير حضرت مولانا محمد صالح انڍڙ صاحب جي قيادت هيٺ امن بحال ڪرڻ جي تحريڪ جي ڪاميابي لاءِ عوامي رابطو جاري آهي.
جمعيت علماء اسلام ضلع سکر جي انتظام هيٺ امن و امان جي مخدوش صورتحال کي سامهون رکندي عوامي رابطو جو باقاعده آغاز ٿي چڪو آهي. هن سلسلي جو پهريون اهم اجلاس تحصيل روهڙي ۾ منعقد ٿيو، جنهن جي ميزباني جمعيت علماء اسلام تحصيل روهڙي جي امير حضرت مولانا عبدالڪريم عباسي صاحب ڪئي.
اجلاس ۾ جمعيت علماء اسلام تحصيل روهڙي جي مجلسِ عاملہ جو هڪ انتهائي اهم ۽ تفصيلي اجلاس طلب ڪيو ويو، جنهن ۾ تحصيل جي موجوده صورتحال، عوامي مسئلا، امن و امان جي خراب ٿيندڙ حالت ۽ ايندڙ حڪمت عملي تي سیر حاصل گفتگو ڪئي وئي.
ضلعي اڳواڻن خطاب ڪندي ضلع سکر ۾ وڌندڙ بدامني، لاقانونيت ۽ عوام جي جان ۽ مال جي عدم تحفظ تي سخت تشويش جو اظهار ڪيو ۽ واضح ڪيو ته جمعيت علماء اسلام عوام جي حقن جي تحفظ، امن جي قيام ۽ ظالم نظام خلاف هر آئيني ۽ جمهوري جدوجهد جاري رکندي.
اجلاس جي اختتام تي متفقه طور فيصلو ڪيو ويو ته ضلع ۾ عوامي رابطو مهم کي وڌيڪ مؤثر بڻايو ويندو ۽ امن و امان جي بحالي لاءِ ڀرپور آواز بلند ڪئي ويندي.
خصوصي شرڪت ۾ ضلعي ناظمِ عمومي حافظ عبدالحميد مهر، مولانا امان الله سکرَوي، قاري نصرالله سکرَوي، مولانا عبدالوحاب مهر، حافظ ابو اسامه عباسي شامل هئا.
جمعيت علماء اسلام تحصيل روهڙي کان قاري عبدالغفار سومرو، مولانا محمد امير خان متقي، مولانا عبدالحميد انڍڙ، مولانا محمد علي برڙو سميت ٻين تحصيل روهڙي جي مجلس عاملہ جا اراکين موجود هئا.
